影片
更多
2024-09-03
243 瀏覽
今日老公生日，佢話想食韓燒，揀咗呢間餐廳試吓。喺尖沙咀樓上鋪，佔據一整層地方，面積好大，我哋2人都可以坐大大張卡位，好舒服。.每張檯檯面都有燒烤爐，抽風系統做得唔錯，唔會覺得好熱好大陣油煙味。.每人都有3款醬料配牛肉食，包括芥末、韓式辣醬及芝麻鹽。我最鍾意韓式辣醬，點韓牛一齊食好夾！🤩.我哋一坐低就有5款細細碟的伴菜，包括泡菜、炸蝦仔、芽菜、蘿蔔片、魷魚仔，全部都係酸酸辣辣，非常開胃！👍🏻.我哋叫了2人「1++韓牛」燒烤套餐，包括炸蛋梳乎厘、釀冬菇伴柚子沙律、韓牛肉眼扒1++（300g）、雪花牛肉（100g）、調味特級牛肋條（100g）及泡菜炒飯。肉類更加有蔥、荀、冬菇、薯仔伴碟。我哋以前去韓國旅行時試過食生牛肉他他，一試愛上！見到呢間餐廳menu都有，當然要試吓啦！.先嚟呢個釀冬菇伴柚子沙律。釀冬菇好特別！佢用魚肉去釀冬菇，魚肉肉質彈牙，冬菇夠淋，生菜好新鮮好爽口，配埋酸甜柚子汁撈埋一齊食好開胃！我哋好快就清晒呢碟沙律。.左邊係雪花牛肉；右邊係肉眼扒。.呢塊肉眼扒又厚又大塊！但食落一啲都唔鞋！原來呢度嘅侍應會過嚟幫手燒，仲會教我哋點燒先鎖住肉汁最好味！服務好好呀👍🏻.我哋食完呢塊肉眼
.
每張檯檯面都有燒烤爐，抽風系統做得唔錯，唔會覺得好熱好大陣油煙味。
.
每人都有3款醬料配牛肉食，包括芥末、韓式辣醬及芝麻鹽。我最鍾意韓式辣醬，點韓牛一齊食好夾！🤩
.
我哋一坐低就有5款細細碟的伴菜，包括泡菜、炸蝦仔、芽菜、蘿蔔片、魷魚仔，全部都係酸酸辣辣，非常開胃！👍🏻
.
我哋叫了2人「1++韓牛」燒烤套餐，包括炸蛋梳乎厘、釀冬菇伴柚子沙律、韓牛肉眼扒1++（300g）、雪花牛肉（100g）、調味特級牛肋條（100g）及泡菜炒飯。肉類更加有蔥、荀、冬菇、薯仔伴碟。
我哋以前去韓國旅行時試過食生牛肉他他，一試愛上！見到呢間餐廳menu都有，當然要試吓啦！
.
先嚟呢個釀冬菇伴柚子沙律。
釀冬菇好特別！佢用魚肉去釀冬菇，魚肉肉質彈牙，冬菇夠淋，生菜好新鮮好爽口，配埋酸甜柚子汁撈埋一齊食好開胃！我哋好快就清晒呢碟沙律。
.
左邊係雪花牛肉；右邊係肉眼扒。
.
呢塊肉眼扒又厚又大塊！但食落一啲都唔鞋！原來呢度嘅侍應會過嚟幫手燒，仲會教我哋點燒先鎖住肉汁最好味！服務好好呀👍🏻
.
我哋食完呢塊肉眼扒後都飽咗6成啦！😆 緊接著有雪花牛肉，有好多雪花呀😍 分佈得好平均，每啖雪花牛肉都有油脂但又唔膩，唔似日本和牛咁成啖都係油融喺口，韓牛比較有牛味及有咬口，好正😋
.
跟住嚟咗碟蜂蜜梨汁生牛肉。呢度嘅生牛肉切得比較大粒，會容易咬到筋位；而梨子亦比較淋身，咬落口感唔夠爽。味道都算幾好，但對我嚟講辣咗少少，梨子唔夠遮住辣味，做唔到辣味同甜味平衡。
但其實都已唔錯，比我喺香港其他韓國餐廳食過嘅生牛肉好味，只是仍不夠我喺韓國馬場洞食過的那碟生牛肉好味😆
.
接著炸蛋梳乎厘上檯。嘩！真係成隻大炸彈咁，好巨型！表面有好多蟹籽及熔咗嘅芝士，內裡係蒸蛋。不過呢隻炸蛋味道好淡，口感好實，食咗1/3個已覺得好「漏」食唔到落去了。
.
之後侍應繼續幫我哋燒調味特級牛肋條。嘩呢碟牛肋條嘅調味好正！甜甜地又入味，肉質淋得嚟又鎖住晒醬汁，真係好好味！😋
.
食到呢度，其實我哋都飽咗8成了。最後仲有泡菜炒飯，飯量都夠每人一碗。侍應會幫手即場炒。佢先將白飯、泡菜、醃蘿蔔同蟹籽一齊炒，之後落埋牛油炒，最後落埋紫菜同芝士，冚蓋焗一陣，啲芝士熔晒好正。
.
估唔到2人套餐份量咁多！每樣菜都大大碟。2人套餐$1080，另外散叫的蜂蜜梨汁生牛肉$180。呢餐真係好抵食又好味呀！❤️
張貼
