老媽拌麵 (將軍澳中心)

營業中

休息中

囡囡喜歡食台灣菜，琴日問我：「媽媽幾時有得再飲珍珠奶茶？」我話聽晚帶你去食台灣嘢啦，講緊既就係將軍澳中心嘅老媽拌麵。之前喺信德中心嘅分店買個外賣，覺得不錯，所以想試下堂食嘅味道。囡囡選了她鍾意飲既黑糖珍珠巧克力，而我上次試過檸檬冬瓜茶，一試難忘，今日就再encore返。我好鍾意杯檸檬冬瓜茶，酸酸甜甜，好潤喉清新。主食就揀咗新產品魷魚圈滷肉飯，另外因為未試過佢哋嘅湯麵，今次就試下金華火腿花雕雞湯麵。囡囡最鍾意食台灣香腸，佢本身話要叫兩份，話驚唔夠食😂我話試下其他嘢啦，所以叫咗一份韭菜豬肉水餃。未六點就嚟到，所以人不多，環境幾闊落，裝修係以木為主題，而店員姐姐都幾友善。