Cherry Tokyo Cafe (愉景新城) (已結業)

星期一已經有啲holiday mood，就嚟到呢間和洋cafe慢活一下。呢到環境寬敞，而且寧靜，好啱放工嘅時候過嚟放鬆下。1. 葡萄酒煮大蜆意粉帶有淡淡嘅辣味，好開胃。而且，呢少少嘅辣味仲帶起蜆嘅鮮甜，意粉亦都煮到啱啱好。2. 黑松露野菌忌廉意粉十分足料，並唔係坊間冇咩松露味嘅意粉。黑松露醬嘅分量啱啱好，香氣逼人，配上各式野菌，再加上creamy嘅忌廉汁，係超級好食！3. 芝士肉醬薯條薯條係即叫即炸，夠脆夠熱。而肉醬亦有蔬菜嘅鮮甜味，同薯條非常之夾。4. 木糠布甸好濃嘅牛奶味，忌廉都好幼滑，唔好話雪過龍搞到好硬，硬度適中。5. 宇治金時忌廉沙冰抹茶雪糕香滑，帶有少少茶澀味，唔會過甜。沙冰都打得夠碎，唔會飲到一半有冰粒。6. 宇治抹茶牛奶抹茶味香濃。值得一提係面頭舊cream，好香好滑，唔係平時食開嘅支裝忌廉。呢到嘅service十分之好，食完正餐食甜品嘅時候會幫你換碟同餐具，亦都會俾多張紙巾，出面餐廳少有。