新仙清湯腩 (已結業)

去灣仔電腦城買零件，買完順便四圍行，行到黎集成商場，原來依度好多餐廳，左揀右揀，就揀左新仙清湯腩，都係比佢整潔門口吸引左！入去1坐底，我睇完餐牌，就叫左手絲雞和咖哩坑腩飯，服務員拎碟手絲雞過到黎，未食已經聞到麻辣味，食落麻辣味好正，食多幾口，個口會麻麻有微震，好麻好得意！雞絲香滑幼嫩，易入口！而咖哩坑腩飯，咖哩味甚濃配合白飯，好到極，可以中和咖哩ga濃味！而咖哩辣味可向店員提供大，中，小，如果接受到，可以試大辣，而我今次係食小辣，我覺得已剛剛好， 坑腩煙韌彈牙，肉味濃香，配合得而！