悅火 (已結業)

消費券派左啦，等我同朋友去尖沙咀行下街，再去歎返個爐端燒lunch先😉悅火有好多打卡位，採用傳統古色古香既和風裝修，陰暗格調加上一個個紅燈籠，好有氣氛🌸悅商務午餐🦪鮑魚：爽甜鮑魚加上鮑魚肝醬，鮑魚鮮度高，醬汁味道恰到好處，唔會太濃。🐟刺身兩點係油甘魚同梭子魚，先吃油脂豐富既油甘魚，再食燒過既梭子魚，兩款油份都好足🍢燒物盛五品：廚師安排左雞脾肉，牛舌，白鱔，秋葵，同五花腩。質素最出眾既係超甘香既雞脾肉，五花腩味道同口感同樣出色，冇乜油膩，而白鱔既皮都做到微脆效果🐣蒸蛋：加左海膽既茶碗蒸份外鮮甜，海膽味都幾濃郁㗎。🧄漬物：健康又口感獨特既牛旁🍣壽司四貫：有鱆紅，赤鯥魚，深海池魚，同大拖羅。質素都達到Omakase既標準㗎～當中赤鯥魚既魚味超濃，大拖羅有入口即溶既效果。🍲吸物：魚湯。🍨甜品：水玄凍同黃豆粉蕨餅。整體而言，套餐幾扺食，有齊刺身，壽司，串燒等美食。份量多，氣氛好，值得再黎呀～悅火7月新張優惠： 全日85折+每人送生啤一杯 ☝️此優惠不包括開業限定餐