樂面牛屋 (已結業)

要喺睇戲前醫一醫肚，用餐時間唔係太夠，食台灣嘢都係一個好選擇。嚟到禮頓道附近，先知有依間台灣餐廳，入面嘅裝修夠曬"台灣味"，亦都係我鍾意啲小店嘅原因。碌下openrice，呢一間台式小店嘅紅燒牛肉麵都幾出名，不過今次我哋就冇order到。大概等咗廿分鐘到就有嘢食啦。豆乳鹹酥雞肉燥飯，啲雞香脆得嚟唔會太乾，啲調味粉落得適中，唔會太過鹹，另外附上嘅配菜都唔錯，當中芽菜係我最鍾意嘅。我朋友就點香炸排骨肉燥飯，不過排骨嘅調味就濃咗少少。