賣撻

營業中

休息中

小朋友生日，想佢食得健康啲又特別啲，同事介紹一間手工樓上餅食店～［賣撻］。上賣撻社交平台就可以睇到可預訂蛋糕種類，的確係特別，餅店唔係賣蛋糕，係賣撻，而且款式好多，有夏威夷果仁撻、開心果、貓山王芝士等十幾款。小朋友鐘意食果仁，最後我揀咗最具人氣嘅 堅果之后•夏威夷果仁撻，生日撻由多層組成，個底係香脆撻殼，中間係雲呢拿籽海棉蛋糕，焦糖夏威夷果仁粒，幾層唔同味道嘅忌廉，原粒夏威夷果仁圍蛋糕撻一圈，外觀已經好靚，切開裏面睇到一層層蛋糕好鬆軟，有粒粒果仁香甜嘅焦糖味，忌廉好滑溜，圍圈嘅夏威夷果仁好脆口，整體唔會太甜，成個配搭非常好，個個食過都話好食，果然選擇正確。