手拉麵小廚

營業中

休息中

新蒲崗街坊唔會唔知呢間餐廳，平時成日都要排隊等位，難得今次唔駛等又食下先。鋪頭唔大，坐位有限，而家限二人一枱反而冇咁迫，以前自己去食都要搭枱，坐到滿滿到是人。今次食左豬扒擔擔麵同小籠包，朋友分別叫左回鍋肉炒拉麵同羊肉炒拉麵。炒拉麵有鑊氣，肉量亦唔廿算少。豬扒非常大塊，香口夠味，即使冇分碟上都唔會話比湯浸淋晒好難食，當然分碟上豬扒既酥脆口感會保持得更好。擔擔麵湯頭尚算濃郁，有少少花椒麻醬香，因為全部野都可以係濃味所以食完會有少少膩，而拉麵咬感很好，份量充足，飽足感滿滿。小籠包湯汁飽滿，皮薄唔易穿，餡料量適中，熱辣辣上枱稍等一等先食會更易夾起，煙韌度又會更好，可惜冇附上薑絲。