影片
更多
2022-10-05
2557 瀏覽
上次去美味廚已經係好多年前，以前去好似都未有米芝蓮推薦，過左咁多年有朋友講開呢開野，我就話不如一齊去食。以前最記得係海鮮船同佢特別湯底有名，今次來嘅原因係有新湯底，脆脆椰香三杯雞湯，聽完個名，再睇個樣，我就已經忍不住要起筷。椰香當然濃，最正嘅係仲要帶有三杯雞少少嘅辣度，加上大量嘅芋頭，粟米，煲到好濃好杰，好似飲緊腐竹糖水咁，頂層又好似疏乎厘咁，個感覺一飲落去，你係會覺得難忘的類型，呢個湯底可以話係真心有特色，你知道佢一定花好多時間去度呢條橋先會有呢個咁好食嘅製成品。先來兩個小食，脆炸甜不辣同香煎台灣豬肉腸都好有地道感覺，個人都幾喜歡甜不辣，配上辣醬，有走在西門町街上嘅感覺。打邊爐當然要食靚牛，手切雪花牛頸脊當然係本地貨色，肉味濃係必然。當然都有來自日本嘅朋友，日本鹿兒島 A4 肉眼和牛，個種油份唔會太強，又算幾平衡，不會一味死油個隻。朋友唔食牛，點埋日本鹿兒島黑豚肉眼俾佢，份量比牛當然足好多，而且都幾襯嗰三杯雞湯底。話明三杯雞，點會無雞，加了鮮雞落去之後，味道更精彩，仲要有少少酒香。一定不能不吃海鮮拼盤，點了蟶子、鮑魚、大蜆等等嘅海鮮，加咗落個三杯雞湯，再多咗層鮮味，呢度嘅海鮮，價錢唔
上次去美味廚已經係好多年前，以前去好似都未有米芝蓮推薦，過左咁多年有朋友講開呢開野，我就話不如一齊去食。
以前最記得係海鮮船同佢特別湯底有名，今次來嘅原因係有新湯底，脆脆椰香三杯雞湯，聽完個名，再睇個樣，我就已經忍不住要起筷。
椰香當然濃，最正嘅係仲要帶有三杯雞少少嘅辣度，加上大量嘅芋頭，粟米，煲到好濃好杰，好似飲緊腐竹糖水咁，頂層又好似疏乎厘咁，個感覺一飲落去，你係會覺得難忘的類型，呢個湯底可以話係真心有特色，你知道佢一定花好多時間去度呢條橋先會有呢個咁好食嘅製成品。
先來兩個小食，脆炸甜不辣同香煎台灣豬肉腸都好有地道感覺，個人都幾喜歡甜不辣，配上辣醬，有走在西門町街上嘅感覺。
打邊爐當然要食靚牛，手切雪花牛頸脊當然係本地貨色，肉味濃係必然。
當然都有來自日本嘅朋友，日本鹿兒島 A4 肉眼和牛，個種油份唔會太強，又算幾平衡，不會一味死油個隻。
朋友唔食牛，點埋日本鹿兒島黑豚肉眼俾佢，份量比牛當然足好多，而且都幾襯嗰三杯雞湯底。
話明三杯雞，點會無雞，加了鮮雞落去之後，味道更精彩，仲要有少少酒香。
一定不能不吃海鮮拼盤，點了蟶子、鮑魚、大蜆等等嘅海鮮，加咗落個三杯雞湯，再多咗層鮮味，呢度嘅海鮮，價錢唔算貴，而且來貨比一般嘅火鍋店更好。
三杯雞肉丸加呢個三杯雞湯底，就好似主題樂園必玩某個遊戲一樣，口感幾特別。
不過要講出色嘅丸，酸菜胡椒白肉丸同沙茶醬柯仔釀牛丸 更特別又深刻，個人勁愛酸菜胡椒，剛剛好的胡椒香。
淮山杞子圓肉 OmniPork 素豬肉丸同鳳梨合桃 OmniBurger 素牛丸就啱晒一班素食人士，我比較覺得後者好食，本身我完全
諗唔到丸加鳳梨係乜嘢景象，不過食落又幾好。菜脯蛋餃同滷肉冬菇豬肉餃都係幾特別嘅項目，實驗性得來又做得唔錯，同樣愛素的又有蟲草花木耳 OmniPork 素豬肉餃可以食。
蔬菜拼盤當然不錯，對比起寬巷子，佢嘅菜一樣咁靚，只係冇寬巷子擺盆咁浮誇。
尾段配合吃台式嘅Kiki 麵，掛湯一流，如我愛澱粉質嘅人，一定不要錯過。
不過冇去咁多年，真係有啲錯過左，呢排似乎要密番少少再幫襯。
張貼
