品悅風味 (已結業)

身體檢查前食個豐富啲嘅brunch😌。估唔到十一點已經有小食供應。.🥢爽脆魷魚翼雜菌撈米線 配奶醬多 $40單餸粉麵$33，每加一款$7。魷魚翼爽彈鮮味，白烚已經好足夠。雞髀菇同埋鮮冬菇拉過油，菇菌香味更濃郁。米線雖然冇啲好濃味嘅醬汁，但撈埋大量雪菜又幾香。.多士係薄片方包，除咗煉奶、花生醬，仲有少少砂糖，有啲似格仔餅。.🥢糯米釀雞翼 $38雞中翼去骨後釀入軟熟嘅糯米。雞皮油潤有光澤，調味甜中帶辣。糯米吸收咗肉汁之餘亦有少量嘅辣味。