品悅風味 (已結業)

呢間係觀塘嘅🔥燒烤小店出品🧆用心又足料👍，而且性價💰比高，好抵食！老闆娘好有善心❤️，會定時贈送愛心🫰飯盒俾有需要人仕，而且佢哋🥡外賣自取仲有88折優惠🥰添！入面裝修🤩簡潔，有多排闊落大卡位🪑，坐得舒服😌。茄子🍆抹上自家醬油🔥燒到油潤甘香🤤。🔥燒魷魚🦑翼香口又鮮味😋，串燒🔥燒賣外脆內軟好滋味🥰。燒🔥脆肉瓜🥒咸香惹味🤤又爽脆 juicy！🔥燒多春魚🐟鮮味甘香，入面仲有🤩好多春添😋！燒章魚🐙丸外邊燒到乾身香脆，一啖咬落去🤤鮮味又爽口彈牙🦷。各式串燒🔥又平又靚又正😋。我特別😍鍾意食🔥燒雞皮🐓，燒到香脆可口又唔會油膩👍！芝士🧀牛油🧈焗雜菌🍄入邊十分多芝士🧀而且牛油味好香濃，啲雜菌🍄吸收晒芝士🧀牛油🧈，食起上嚟好🧀芝味🤤！

-燒雞中翼 $15皮燒到勁脆，雞翼味道醃得岩岩好，唔會太咸又唔會淡，好食，必叫-燒羊肉串 $10有肉汁，唔騷😋-串燒燒賣 $15-雞皮 $15燒到好脆，唔會有油膩味-燒脆肉瓜 $12-燒娃娃菜 $8大大碟，菜燒完都仲好多汁，唔會燒到好乾-燒茄子🍆 $25茄子好多肉，食得出食材好新鮮再加埋調味惹味必叫之選，價錢又係勁抵，出面食好多都要$4X條-芝士牛油焗金菇 $30落足牛油，好香-燒雞泡魚 $48份量好多，份量係出面食既一倍，抵食-蒜茸燒生蠔 $30/隻生蠔新鮮大隻，有蠔味再加埋辣辣地同蒜香勁正-燒羊架 *老闆娘推介必食* $38勁好味 脂肪分佈岩岩好 唔會騷 -燒虎蝦 $38/隻蝦肉好彈牙再配埋蒜香，正價錢抵食，食得出好用心整，唔會燒定再燒翻熱，係即刻生燒即叫即燒，係好食好多，以後食串燒傾計一定會黎呢度😋😋😋品悅風味九龍黦塘康寧遒62號地下

如題！！！好耐前我第一次食仲比咗個好評依間鋪！最近食咗幾次真係忍唔住要比個差評佢！！以前無論係口水雞定口水手撕雞都十分之好味！宜家我係度懷疑緊個飯究竟係咪比人食嘅！！！一D都唔香口啦宜家！擺入口就知道係十分之敷衍嘅做法！個墊底嘅菜仲要壞咗！d雞都唔好食！食得出擺雪櫃好耐感覺！簡直令人髮指！好難食啊大佬！！係咪換咗人吖！做到甘難食！講真之前係我同我對象依度間鋪嘅評分真係好高分！宜家簡直要負分宜家間鋪係甘改餐牌 少咗牛丁飯 多咗冷麵同燒烤啊！係啦！講到燒烤初初啱開始有燒烤我都有同朋友入去支持吓【覺得個哥哥仔派傳單都好有禮貌~】以前仲有燒安格斯牛粒，宜家改下改下又冇咗講真d燒烤勁濕 ，調味粉好少！要咗辣都唔辣！樓面個哥哥仔叫廚房個阿姐落多d粉啦，個阿姐就係甘話好多啦好多啦！上到檯見到d粉少到可憐，係真係冇乜燒烤味！而且真係好濕，我之前係旺角老x皇度食燒烤，人家燒到干身又香口！好心老細去學習下啦！然之後第一次食燒烤時覺得個【牛油雜菌】好食嘅！！簡直係嗰晚嘅全場MVP！！所以第二次都為咗個雜菌再去幫襯，結果第二次個雜菌都冇甘好食，當然燒烤都係！【而且我真係好唔鐘意個阿姐企廚房，佢做野求其又孤寒次

六點左右裕民坊行完街，就諗住過康寧道搵嘢食。路經呢間餐廳標榜總廚曾任職多間知名酒店酒家，所以決定走入呢間小店試試。環境格局類似茶餐廳小菜鋪，座位環境都乾淨企理，畢竟開業唔係只有三，四個月。▪️　酸菜魚 - $38酸菜魚湯底好鮮甜，特意向店員一問得知湯底用大魚經過數小時淆製。另外魚用脆鯛魚，一啲都無骨，食落好爽口。酸菜分量適中，唔會太鹹又唔會太酸， 送白飯一流。▪️　孜然牛丁 - $38新鮮熱辣烤出，孜然味非常惹味。牛丁係用牛面肉，入口軟腍，牛味重得嚟但又唔會有騷味，唔錯。▪️　香辣海蜇 - $32麻油同辣油兩者調配適中，海蜇好爽口，唔似出面有啲海蜇好大鹼水味，口感好有咬口，份量足價錢平，只係賣32蚊，抵食。▪️　口水手撕雞 - $38口水汁調教得好好，慈味得嚟又唔會太鹹，手撕雞分量好足，無骨食落啖啖肉，而且雞肉都好嫩滑。▪️　芝士忌廉蘑菇釀雞翼 - $32雞翼脹卜卜，芝士味好濃郁，內裏有磨菇配搭，成個組合非常之夾，好味。老闆員工好好人見我哋嗌咁多嘢, 仲送兩碗用雞骨淆製數小時嘅冬瓜雞湯畀我哋消暑，認真唔話得。性價比高再加上熱情嘅招呼，一定會再幫襯。

身體檢查前食個豐富啲嘅brunch😌。估唔到十一點已經有小食供應。.🥢爽脆魷魚翼雜菌撈米線 配奶醬多 $40單餸粉麵$33，每加一款$7。魷魚翼爽彈鮮味，白烚已經好足夠。雞髀菇同埋鮮冬菇拉過油，菇菌香味更濃郁。米線雖然冇啲好濃味嘅醬汁，但撈埋大量雪菜又幾香。.多士係薄片方包，除咗煉奶、花生醬，仲有少少砂糖，有啲似格仔餅。.🥢糯米釀雞翼 $38雞中翼去骨後釀入軟熟嘅糯米。雞皮油潤有光澤，調味甜中帶辣。糯米吸收咗肉汁之餘亦有少量嘅辣味。

酸菜魚配薯粉 $59入邊有芽菜、酸菜同埋魚，雖然湯底有好多酸菜但我覺得味道唔夠膿、唔夠酸亦都唔夠辣，魚比較薄身同埋食到有少少骨，感覺一般熱奶茶杯奶茶冇乜奶味，茶味偏濃味道偏苦芝麻手撕雞套餐 $70芝麻手撕雞好香，入邊仲有海蜇青瓜絲芝麻同埋手撕雞，論味道呢一個係算唔錯嘅，但以一個$70價錢來講，我認為就少咗啲。跟餐仲配左一個綿陽米線，面比較幼身同埋好軟滑食落口幾特別。湯底方面係清湯，唔算特別。熱菜蜜味道偏甜，飲得出有蜜糖嘅味香辣海蜇38帶麻辣香味嘅海蜇，份量都算多

好彈牙的酸菜魚！同朋友去呢間係觀塘的酸菜魚！價廉物美，好抵食，附近好多街坊都幫襯。平時食開川菜，味道都好咸，又多味精，呢間味道清清地，好味又健康！叫左個酸菜魚：$38例魚肉好彈牙，爽脆！秘制糖滷鴨：$38例呢個鴨好好食，肉吾老又入味！芝麻手撕雞：$38雞肉好嫩呢又去骨！芝士忌廉蘑菇釀雞翼：$38（3隻）最中意食呢個，好香！一咬芝士都流晒口出利☺️個menu上有大廚簡介，原來已經有三十年經驗，係多間知名酒家酒樓任職大廚！吾怪得之味道幾好！

今次外賣買左四餸麵同滋補三鄉雞。四餸麵要額外加＄１４，因為本身＄４５系只包兩餸。難得黎到就一次試多幾款。四餸包括川味牛丁，品悅牛丁，豬耳同滷肉片。每份既份量都多。兩款牛丁分別應該系在於辣與不辣，夠淋亦不太多肥肉；豬耳不會切得太幼，爽口；滷肉片略為不夠淋，系個人喜好問題。點左撈公仔麵，所以試不到佢既湯底。滋補三鄉雞反而有失望。見倒雞骨帶有黑色，似乎不太新鮮。同埋始終有雞皮，如果成個可以拎去先隔一隔油會更好，無咁油膩。而整體份量同其他配料系足夠既，＄３８例牌。

已經幫襯過好幾次，麻辣湯底有麻香味，辣度又夠，唔會麻到個口無晒味覺，食完又唔會口渴，應該冇咩點落味精！綿陽米粉 - 因為嚟呢度食嘢，先知道有一種米粉叫綿陽米粉，好似好少地方有得食，同平時食開嘅米粉唔同，綿陽米粉比較索汁，軟滑，索埋D麻辣湯，超正！川味牛丁 - 肉質淋滑，煮得入味，就算浸湯浸耐咗都唔會老，份量又多，十分推薦！爽脆尤魚翼 - 爽口，尤魚有鮮味！可惜顧住食，唔記得影相……飲品方面 - 齋啡好飲，就算攤凍咗都冇酸味。以45蚊嘅價錢一碗兩餸麵包埋嘢飲，食物質素又高，確實係抵食！

我真係好耐無寫過食評，因為無咩餐廳令我有寫食評的衝動。但見今餐有驚喜，值得嚟寫一寫。問心嗰句，剩係睇餐廳名的話，唔係好知係賣咩嘅…後尾知道大概係川菜和米線，於是趁星期六得閒去試吓。叫咗碗「品悅牛丁豬膶米線+蕃茄湯底」、涼拌萵苣同埋一杯熱奶茶做午餐。竟然！一嚟就有驚喜！奶茶先到，飲一啖發覺佢居然比茶餐廳的水準更高無茶澀味之餘，仲夠香、夠滑、夠熱到米線上場，豬膶唔會死實實，牛丁（其實是滷牛肉）入味夠軟腍，好有水準。蕃茄湯底無味精，不過略為淡口啲。至於涼拌萵苣（我叫咗少辣）爽脆之餘帶少許辣，好好食，$18/碟真心覺得抵。值得一提的是，餐廳職員招呼週到。由入座到埋單，都熱情款待有機會一定會再幫襯。

經過見到這間新開的主打川味小菜的小店，今日便來試一試口水雞 - 例牌的份量出期地多，賣相討好雞肉肉質鮮嫩而香滑，口水雞不算太辣而且帶點甜美，非常適合香港人口味白灼鮮魷翼 - 白灼魷魚還配了是日清菜，小食配了秘製辣椒豉油，十分惹味魷魚口感煙韌，而且份量多，非常抵食酸菜魚 - 選了配白飯，酸菜魚的份量多湯非常有魚味，十分香濃，魚肉是鯛魚肉，十分鮮甜香滑金牌卤肉片 - 選了蕃茄湯米粉，份量多得有點驚喜卤肉肥瘦適中，豬肉沾滿了香濃的鹵水味蕃茄湯綿陽米粉十分驚喜，綿陽米粉只在川菜館才有，米粉掛滿了濃郁的蕃茄湯，令人吃不停口飲品點了茶餐廳著名的凍檸茶和凍阿華田，超大杯的！這間小店真的是抵食又高質，絕對可以再來

小編今日放假嚟到觀塘一間隱世小店，原來餐廳既大廚曾經係某間酒店嘅名廚黎架😍。實力水準應該有一定保證，再睇一睇個餐牌全部都係中菜式，仲要係好平民嘅價錢，相信可以吸引到街坊嚟幫襯。✦✦✦✦✦✦✦✦✦✦✦✦✦✦🎈 芝麻手撕雞 : 必食推介⭐ 例$38/大份$68芝麻手撕雞既芝麻味非常之香！手撕雞配上各款醬同配菜恰當好處😋夾粉皮或青瓜，凍食清淡亦開胃。而主菜雞肉好嫩滑亦算鮮，如果餸飯或米線都一流！✦✦✦✦✦✦✦✦✦✦✦✦✦✦🎈 香辣海蜇 $32雖然餐牌寫香辣，但如果唔係好食得辣既朋友或想走辣都可以轉唔辣。海蜇食落新鮮好爽口，涼浸浸最啱依家嘅天氣食😋，份量仲好足料😍。✦✦✦✦✦✦✦✦✦✦✦✦✦✦🎈秘製唐滷鴨 金牌滷肉片 例$38/大份$68滷水汁經長時間浸住非常入味😋，食呢款小食記得要碗白飯，咁就唔會太油膩，越食越滋味。滷肉片半肥瘦，一啖有好多肉汁，味道鮮甜，食到停唔到口😋。✦✦✦✦✦✦✦✦✦✦✦✦✦✦🎈魚餅蕃茄米粉 $33小編個人值得推介呢款菜式，就算小朋友都好鍾意食呀！連九個月大嘅BB都係咁Encore☺️，軟綿綿既米粉配埋鮮甜既蕃茄湯，有益亦健康👍🏻，大人小朋友都啱食，亦都咁鍾意❤️。✦✦✦✦

今日打完針本身想買啲餸返屋企煮不過諗諗吓又覺得好懶於是黎呢一間我之前點過外賣而且印象唔錯嘅品悅風味當時五點幾 我叫咗下午茶餐叫咗蕃茄湯米粉加牛肉丁同午餐肉煎蛋本身想叫豆漿但係冇咗於是加錢要咗汽水等咗一下粉上咗嚟啦睇圖片剛開始我以為只有3舊牛肉丁心諗份量都係少左d不過後邊撈撈原來下邊好多舊牛肉D牛肉沉曬底吖原來牛肉丁牛味好重 十分有口感 真係正㗎我以為有6舊牛肉丁 結果食左一半啦 下底又有牛肉D牛肉份量真係十足十而且好好味！！番茄湯嘅番茄碎又好多！！味道濃郁十分推薦！！大家真係可以黎試下！

近近哋同媽咪喺觀塘一帶搵野食，去搵野食之前行咗去某座新樓下面戈個大型商場附近涼吓冷氣都吾錯😂太新嘅緣故所以都冇咩行，好快同咗媽咪去新開嘅一間小店碰吓運氣。小店嘅位置位於裕民坊附近，都幾方便，呢個天氣最緊要吾洗行太多路就可以去到目的地🤪餐廳嘅焦點莫過於系主廚打理餐館，仲喺多間出名嘅酒店擔任過主廚，同埋拎過好多獎，好西利😳餐廳有吾少精美小菜，仲要價錢系超級實惠🤩首先試咗份酸菜魚，呢家酸菜魚真系愈黎愈盛行，呢度仲要咁平緊系叫番份黎試。質素絕對冇因為平而差，食之前主廚都有同我地傾吓計，話酸菜魚嘅湯底系魚湯製成，難怪系奶白色🤍舊舊脆肉魚鯇喺曬度，仲要去曬骨，冇魚腥味仲好有咬口👍🏼👍🏼食完淡啲嘅又食番辣嘅食物刺激一下，口水雞真系耐冇食，$38又系好多件，點解可以抵到咁😍自己本身吾系話好食得辣，不過都會想試吓😛佢嘅辣味真系吾系好食得辣嘅人都接受到，每一口都有輕微嘅味蕾刺激。糖滷鴨呢個名又改得幾好😂其實即系滷水鴨，滷水嘅精髓向來都系好甜，呢度都絕對做到滷水嘅精髓，滷水好入味，應該真系滷咗好耐，鴨肉就口感結實。芝士磨菇雞翼真系超級好食😍芝士味好重之餘一啲都吾漏，好似系落咗好多奶油，芝味非常！磨落同芝士當

品悦風味今日同同事去觀塘做嘢，本身諗住求其食，點知又食到好嘢喎，一間門面平凡似茶餐廳，但食物一點也不平凡，因為由名廚主理，有水準。兩餸招牌粉面餐$45，加一餸加$7-川味牛丁、至尊豬潤粉麵餐材料好新鮮，豬潤爽口彈牙，川味牛丁是牛柳粒，牛味好濃，煮到好軟身略帶辣味，烏冬軟硬適中。-炸醬、爽脆魷翼綿羊米粉番茄湯$45呢個推薦大家試吓，好特別，綿羊米粉好綿同埋好滑，唔會好似平時啲米粉咁硬身，蕃茄湯酸酸甜甜，仲係用鮮蕃茄熬製，超級健康，但加埋炸醬就好正，因為炸醬係有少少辣，有豬肉碎同洋蔥碎，配埋一齊食就Perfect match。秘製糖滷鴨$38好入味同軟熟，厚肉，旁邊配有酸菜，推介！紫心脆薯餅（四件）$18外層有薄薄炸麵包糠，裏面係紫薯蓉，外脆內軟，口感好正，仲好抵食。吉列鳳尾蝦（五隻）$38外層炸到金黃色，脆卜卜，裏面嘅蝦好新鮮，點沙律醬食到嘴舐舐。整體而言有驚喜，估唔到啲食物唔錯，如果去開觀塘返工嘅朋友仔，唔知去邊度食呢度就係一個好好嘅推介，真係好抵食，真材實料，不能夠相信咁多嘢食都係百零蚊。