金記冰室 (八號花園) (已結業)

每次同一大班朋友去完大埔嗰頭都唔知食咩好。不過，今次兩個人，就簡簡單單搵餐廳食飯。今次都係去返附近食，行行吓就見到金記冰室，近近地就入去試吓。第一道黎嘅菜係重慶口水雞，雞肉嫩滑，就算係雞胸都唔會鞋！雖然好多紅油，但只係帶微辣，仲有淡淡嘅麻油香，佢層雞油加辣油非常香，食落都唔覺得油，食完唔會太辣，仲可以食其他餸菜，作為開胃小食非常唔錯！鐵板香煎雞扒拼吉列魚柳，非常有經典香港扒房味道，上檯時候仲有新鮮滾熱辣既炸炸聲，我配上咗我最喜歡嘅蒜蓉汁，味道非常不錯。雞腿扒份量好足，兩面都煎得好香，雞皮果邊好脆，罪惡感十足。吉列魚柳魚味濃。呢個餐絕對係港式重口味首選。地道霸王雞，推介*** 霸王雞半隻 , 半隻雞個份量都幾多, 而且個脾位係好大, 好肥美~~好好食啊~! 皮太吸引, 我都忍唔住吃了兩片 !!又是另一必食菜!