Owl's Choux

營業中

休息中

雖然佢嘅實際賣相無餐牌嘅咁吸引，但的確幾好食。原味泡芙中間夾住榛子果仁糖雪糕，再加埋麥提莎脆脆同果仁糖漿點綴，層次豐富，泡芙外脆內軟，雪糕嘅口感亦都好軟滑～ 海鹽泡芙，香脆嘅外層佈上一粒粒好似寶石礦一樣嘅海鹽，而餡料就係軟滑嘅吉士，咬落甜中帶小小清新嘅鹹味，好有味覺層次。新鮮出爐嘅吉士泡芙，拎上手暖笠笠，同一般嘅泡芙唔同，佢嘅外層特別香脆，仲有啲似牛角酥，外脆內軟嘅口感，好有層次，而餡料就係雲呢嗱吉士，香濃軟滑，個人認為呢個組合，比起雪糕泡芙更加夾，簡直令人愛不釋手！ 原來焦糖燉蛋同泡芙夾埋一齊係咁有驚喜！表面好脆口，入面就好creamy，加埋面頭嗰層滋味嘅焦糖燉蛋，甜而不漏、蛋味香濃，無論味覺同層次都咁豐富。