浪人日本料理 (已結業)

位於中環的浪人，於大廈M88內，有各式各樣的餐廳，繼上次享用了M88內的西餐，今次就決定食日本野啦。呢度裝潢美輪美奐，坐得亦很舒服。醬油蒜頭枝豆作為小食的枝豆，內裡辣辣地加上有醬油的甜同鹹，枝豆咬落幾腍同外殻的醬汁配合得好好。點左個季節魚司, 有件, 賣相精美之餘, 每件壽司都己經滲入醬油, 吾唔需要再點任何醬汁都己經好好食, 深海池魚, 肉質細緻嫩滑，口感爽朗; 吞拿魚油份高，吃起來有「入口即溶」的感覺; 平目魚肉質鮮嫩，魚味清淡; 黑目鯛脂香豐腴，肉質細膩柔軟，味道香甜，與壽司飯尤其搭配再點左唔少串燒, 串既既質素完勝好多居酒屋! 牛小排, 面頭燒到好焦香，牛味濃濃。鮑魚, 好腍好入味，醬油味的香滲透到鮑魚中心，口感腍得黎有咬口，好甜好香，一定要叫這個。天使蝦, 好香帶爽，蝦殼都好腍，我食埋都得，少少的鹽味已經帶出到蝦的鮮味。意大利青瓜, 咬落好juicy好香，面頭的調味一絕，有黑椒同淮鹽香味。燒海鰻, 外面燒得焦香脆，內裡油份好足，入口面頭好脆口，內裡好滑好香。燒八爪魚, 爽得黎唔韌，好香。蒜香茄子, 師傅將面頭薄薄一層醬汁封於外層，內裡好juicy。