朱敏記桑拿菜 (已結業)

朱敏記環境係大排檔裝修，裝修好簡單，但係都非常乾淨，坐得好舒服，成個環境都好衛生，食得都好放心！今日試佐佢地既沙姜吊桶，吊桶係細嘅魷魚仔，新鮮魷魚仔去乾晒而成，所以非常有鹹香味，呢度嘅吊桶都好肥美好大隻，仲有啲膏添，口感好彈牙，用沙薑去醃完再去蒸，成個味道更加咸香，更加有層次，亦都有啲芽菜墊底，口感冇咁鹹，送飯一流！多人嘅話佢哋都有大啲嘅房可以一齊坐，唔會好迫夾，適合家人小聚或者朋友歡聚，中意食特色中菜既真係一定要黎試下，地點又夠方便！