正潮樓

營業中

休息中

是日好友在銅鑼灣正潮樓聚會晚餐 點左套餐，主菜選了厚菇炆海參和厚菇焗鮑魚，另外加5個菜式滷水拼盤,脆皮九肚魚,汕頭煎蠔烙,方魚蠔仔粥，港式炸蝦棗。食住餐前小食飲住功夫茶🫖。花生🫘炒得好香口。厚菇炆海參/鮑魚🍴海參口感好，鮑魚口感同樣好。醬汁配合得好好唔會太搶食物味道。滷水拼盤🥢有鵝肉🦢，豬紅🐖，豬大腸🐖及豆腐。滷水汁完全融入豆腐中，將個汁個靈魂收歸豆腐之內。滷大腸冇平時最驚既豬臭味，豬紅唔會一夾就散。主角鵝肉肉質良好，味道口感都上佳。脆皮九肚魚🐟魚肉嫩滑包含在脆漿炸，保持到外脆內暖。汕頭煎蠔烙🦪煎到岩岩好，蠔仔鮮味。港式炸蝦棗🦐口感味道都充滿好香的蝦味道。方魚蠔仔粥🦪粥入面原粒米，完全就是潮州菜式。蠔仔鮮味融入粥入面。