潮味居海鮮潮州菜館 (已結業)

老友公司就在柯士甸路附近，話我知附近開了家潮味居，擇日不如今日，見面不如改場地，一面傾談一面擦，方有靈感做事！潮汕菜式，香港人不會不熟悉，風味滷水丶打冷小菜丶牛丸粉麵丶魚飯丶凍蟹等，想到已經流口水。至尊潮州滷水必要試，拼埋鵝肝就襯絕。滷水汁香濃，鵝肉嫩，鵝肝滑到不得了，以為只有法式煎，原來滷水煮到可以咁出色。鹵水唔一定係鵝，叫個鹵腩肉炆春菜煲試下，春菜係潮菜特色，五花腩肉名乎其實，已經炆到腍唒入味，送飯啱啱好。煎個蠔餅，勁多蠔肉，但厚身咗啲。豪啲食紅燒翅，加埋花膠煲，膠質豐富，男人都要補，四十後皮膚仲可以咁彈。食埋綠豆爽，心情更爽，唔係太甜，口感真係爽。