元祖沾麵專門店

營業中

休息中

平時經過厚福街總會見到元組拉麵門口有條長長嘅人龍，今晚特地提早過嚟避開人潮，專誠利是呢度嘅招牌沾麵！一坐低就點左碗極上芝士蟹皇沾麵，等左大約5分鐘，一碗出晒煙熱辣辣嘅芝士鍋就呈上眼前！麵上面鋪滿左四大塊燒得帶點焦香嘅叉燒，另有糖心蛋、筍、紫菜、日本大蔥等配料。先唧上青檸汁再將麵條放入熱辣辣嘅芝士汁裏面，麵條上掛滿咗香濃嘅芝士汁，啖啖都係鮮味嘅蟹味同芝士香味！醬汁裏面仲加入左海膽，記得趁佢完全煮熟之前撈上黎食，咁就保持到海膽原有鮮嫩嘅口感！芝士焗蟹蓋好邪惡！面層嘅芝士拉絲再配上裏面香濃嘅蟹肉，好食到停唔到口。雖然呢度嘅主打係沾麵，但係佢嘅濃湯拉麵都唔錯！濃厚豚骨叉燒拉麵🍜 湯底夠哂濃郁，麵條口感彈牙！👍🏻👍🏻