火狐爐端燒 (已結業)

呢間係位於荃灣千色匯後面既小店，門面睇落冇乜特別咁，但原來入面係食爐端燒，係呢區黎講好少見，所以有時都會特意幫襯。最鍾意食既係佢豚肉荔枝，出面有層燒過既肉味，咬落去有清甜既荔枝味，估唔到咁夾，黎到必嗌。仲有佢既芝士燒蘑菇都好正，大大粒，而且燒完後都唔會話乾哂，仲keep到好juicy。今次仲叫左芝士焗蠔，又係大大塊芝士鋪上面，食落熱辣辣，仲有芝士味，超正。呢間店其他燒物都好好味，即叫即整，而且價錢相對其他路爐端燒舖頭合理，值得一試。