咖啡弄 (已結業)

今日終於一嚐咖啡弄，幸運一去到就可以入坐，不用排隊～！限時90分鐘，捉緊時間，快手睇餐牌落單。自問真係對d “限定”、“推介” 既字眼無抵抗力，所以最後出現我面前既係數量限定既「咖哩牛腩飯」……「咖哩牛腩飯」（$68）既牛腩份量ok，仲有大大件薯仔。牛腩薯仔入味亦夠腍，只是其中有一件牛腩燶左要減分。咖哩好香好好味，初初食唔覺，但食落辣味慢慢滲出黎，好在今日係叫左凍飲…………！即刻飲啖「冰鮮果茶」（$58）撲火～ 內裡鮮果眾多，有蘋果、火龍果、橙等，味道酸甜，不俗。滿意的一餐，不過未去台灣食過，所以無比較，唔知台灣會不會再好食d呢～