影片
更多
2014-02-20
4004 瀏覽
昨天同同事來了這裏食生日飯,我們一行七人一早訂左枱,係OPENRICE訂枱仲有九折添呀,這間中菜一直想嚟試,因為菜式幾特別,幾吸引. 酒樓在樓全層,唔算好大,大廳及有幾間房,好多明星成日嚟,原來係米之蓮食店添呀.坐下就看餐牌,餐牌好豐富及吸引的照片,小食係炸魚仔,幾惹味呀,我們點左:金磚豆腐, 用個竹籃裝住,賣相好吸引,四四方方一件,都有10件架,外皮薄薄地,夠脆,入面豆腐都好滑身,夠香避風塘芙蓉茄子, 這個係炸茄子件,原來係睇唔出係茄子,加埋芙蓉蛋白一齊食,好味喎,夠晒熱,入面茄子都好淋好甜,不過炸得過火左黑魚籽蜜味糖心蛋, 這個賣相已夠晒吸引,蛋黃係半流狀態,上面有些黑魚籽,好味呀,好香迷網陳村咕嚕黑豚肉,排到W字,我們在找迷網在那裏,原來係有一小片炸網在旁邊,黑豚肉的咕嚕肉都幾有咬口,唔肥架喎,幾好味,配料唔係菠蘿,係皮蛋同埋蕎頭,好特別喎.賓城棒棒骨四方盒,加左三條,每人一條, 我們以為佢將加的三條骨放埋一齊,點知原來係另外加了一個俾我地,好大份,咖喱好香,都幾辣,豬仔脾肉好味,麵包加埋咖喱一齊食好好味,入面有些秋葵同埋一些唔知咩瓜,不過真的幾好味,食包都食到好飽滋補木桶水晶雞
坐下就看餐牌,餐牌好豐富及吸引的照片,小食係炸魚仔,幾惹味呀,我們點左:
金磚豆腐, 用個竹籃裝住,賣相好吸引,四四方方一件,都有10件架,外皮薄薄地,夠脆,入面豆腐都好滑身,夠香
避風塘芙蓉茄子, 這個係炸茄子件,原來係睇唔出係茄子,加埋芙蓉蛋白一齊食,好味喎,夠晒熱,入面茄子都好淋好甜,不過炸得過火左
黑魚籽蜜味糖心蛋, 這個賣相已夠晒吸引,蛋黃係半流狀態,上面有些黑魚籽,好味呀,好香
迷網陳村咕嚕黑豚肉,排到W字,我們在找迷網在那裏,原來係有一小片炸網在旁邊,黑豚肉的咕嚕肉都幾有咬口,唔肥架喎,幾好味,配料唔係菠蘿,係皮蛋同埋蕎頭,好特別喎.
賓城棒棒骨四方盒,加左三條,每人一條, 我們以為佢將加的三條骨放埋一齊,點知原來係另外加了一個俾我地,好大份,咖喱好香,都幾辣,豬仔脾肉好味,麵包加埋咖喱一齊食好好味,入面有些秋葵同埋一些唔知咩瓜,不過真的幾好味,食包都食到好飽
滋補木桶水晶雞半隻, 藥饍雞,我初初唔知水晶即係咩,同事話用水蒸住隻雞咪係水晶雞囉,原來係咁解,唔算出色,唔算入味,唔算特別,雞同藥材的味道係分開的,如果整得入味D會更好食
啫啫介蘭煲, 好大煲,好香咸魚味呀,芥蘭一路用個煲煮緊,所以煮到越食越淋,咸魚的配料好香好惹味,但係過多,所以咸左點
鮑粒福建炒飯, 這個飯好多料及汁,攪埋一齊食好好味,有蝦,鮑粒,菜粒,肉粒,濕濕地好開胃
胡麻鮮淮山, 這個應該係前菜,但後尾才加,鮮淮山好爽口,加埋麻醬食幾特別, 夠晒凍,不過冇咩技巧可言,份量都少左一點呀,唔抵食
甜品:
冰糖陳皮燉原個雪梨,我們叫左一個諗住試下,嚟到已經好香陳皮的味道,好清甜,雪梨好淋,一切就切得開,有好多陳皮絲,好好味呀.
陳皮紅豆沙,這個叫左一窩,每人一碗,完全係冇紅豆粒架,全是沙同埋陳皮,幾香的,好味,不過我鍾意食一粒粒有咬口的紅豆沙.
仕應服務都幾好,只係有一個仕應唔知係咪聽唔到我地講嘢,叫佢換碗食飯,佢初初俾一隻,之後叫佢再俾多一隻, 佢好似聽唔到但之後去攞左四套俾我地, 唔知係咪覺得我地好煩?!
位置都坐滿晒的,價錢係貴了一點,但整體係好的.
張貼
