Cocolo Tokyo Cake Factory (朗豪坊) (已結業)

今日偷走放低細路出去食野，食飽飽番屋企經過旺角mtr ，行過見到呢間蛋糕店，cocolo Tokyo cake factory,之前係網上話係日本池袋黎既過江龍，全部產品都係日本做完，再空運黎香港。被新鮮出爐蘋果批既香味所吸引，結果抵受唔住，外賣左一件批，一件蛋糕番去俾小朋友試下，止下去唔到日本癮。包裝係靚靚日底包裝。先講青森蘋果批，$35， 作為招牌貨，回到家仲暖暖地，果然無令我地失望。一啖咬落去，外皮非常鬆脆，入面既粒粒蘋果鮮甜可口，一d都唔係死甜，係清甜，好好味。再黎紅莓朱古力蛋糕，整件蛋糕都係紅莓味，連唔食朱古力既妹妹都話妹味。蛋糕亦非常鬆軟。順帶一提，入面都有堂食坐位，下次行完街街可以考慮坐定定再試埋檸檬批。