茶星人 (富榮花園) (已結業)

今日去咗大角咀紅十字會到整嘢 之後一行到出嚟就已經畀一個好耀眼突出嘅招牌吸引住 呢間就係茶星人 有番咁上下年紀嘅朋友都應該睇過et外星人 佢個門口就有一個好似et咁樣嘅外星人公仔 令到我有特別既親切感 咁就當然要去食啦首先就梗係叫一個台式飲品啦 我鍾意黑糖波霸鮮奶 顧名思義呢杯嘢真係好香甜㗎 如果唔鍾意太甜嘅朋友記得叫半糖或者少甜呀 珍珠同出面食到嘅差唔多 都係咁彈牙可口 佢個鮮奶真係好有鮮奶味 唔同出面有啲舖頭好似溝咗水咁樣之後就到今日嘅正餐就係一個蒲燒鰻魚飯 呢個鰻魚油脂非常之多 亦都好甘香 煎得卜卜脆 而淋上甜甜地嘅浦燒汁簡直就係絕配 跟住仲有配菜 包括粟米 中華沙律同埋味付螺肉 我鍾意重口味所以味付螺肉都非常之鍾意食總而言之呢一餐雖然看似平淡但充滿驚喜