Espuma (M88)

營業中

休息中

考完mid-term緊係要同班fd去食好野慰勞下自己! 今次就去左中環呢間Espuma食西班牙菜。去到唔駛等好耐就有位，坐低發覺餐廳氣氛好好，環境舒服。熱既招牌水果茶叫左無幾耐就到。一壺水果茶下面有蠟燭熱住，所以唔驚凍左唔好飲。水果茶味道唔錯，酸酸甜甜，係唔錯既飲品選擇蠟燭自己熄左，服務員都好細心留意到幫我點番著。炸魚柳配厚切薯條個賣相幾好，原本以為份量一般，但黎到先知呢個炸魚柳配厚切薯條都好大份，成班fd share就岩岩好。炸魚柳個食落唔會好多粉，入面既魚肉仲好滑。而厚切薯條炸得好脆，熱辣辣，配埋茄汁食真係唔錯。麻辣香腸薄餅有好多芝士，但係薄餅既麻辣真係唔太岩唔係好食得辣既我。開頭食第一啖，辣味係可以接受，慢慢麻辣就開始黎，最後仲要狂飲水。中意食辣既朋友應該會中意呢個薄餅。烤美國西冷牛扒伴薯蓉既西冷牛扒煎得唔錯，食落仲好juicy。個汁都好好味，配埋薯蓉一齊食簡直一流。食到最尾緊係要食番個甜品啦!我地叫左日本抹茶麻糬窩夫配雪糕，日本抹茶麻糬窩夫外脆入面煙韌，抹茶唔會太甜，怕甜既朋友都可以試試呢款甜品。旁邊有抹茶cream同紅豆蓉俾人配抹茶麻糬窩夫食，兩種都好match個窩夫。