影片
更多
2017-10-12
4420 瀏覽
今日經開誠品，打完書釘，就上OpenRice睇吓附近有咩餐廳可以坐吓，見到The L.Square 十四樓有間西餐廳Y.Pasta，環境不錯，就上去一試。一上到去環境好舒服，有窗外嘅自然光照入嚟，坐抵再睇吓餐牌，原來仲有午餐可以order,佢哋由11：00至16：00都有午餐set提供，太好了。咁我地就要咗個“香煎三文魚餐” 同“鮮露荀牛油蝦意粉餐” 一個選擇跟餐湯，我哋仲加咗10蚊改做龍蝦湯，另一個跟沙律。頭盤跟餐沙律，沙律菜非常新鮮，仲配上青蘋果，而沙律最重要嘅靈魂，就係個沙律汁，一入口堅係有驚喜，好香嘅青蘋果味，加上檸檬汁，好開胃，真係好好味，經了解後原來呢個汁係餐廳自家調製，出面係無呢個汁，到而家提起呢個汁，我仍然好想再食。主菜個三文魚扒煎得邊皮位好香脆，但仍能保留著內裏好juicy 嘅魚汁，食完每一口，都會令你有滿口魚脂嘅芳香，久久不散，回味無窮。不能不提佢嘅伴菜，沙律汁係用自家製嘅士多啤梨汁，加上沙律菜好新鮮，唔係一般貨式。還有兩塊燒茄子及翠玉瓜，厚薄適中，燒到剛好，內裏仍有滿滿嘅水份，但外皮燒得香氣誘人。薯蓉都唔簡單，一入口已能食出係用新鮮薯仔做成，香濃嘅薯味夾雜著小小
一上到去環境好舒服，有窗外嘅自然光照入嚟，坐抵再睇吓餐牌，原來仲有午餐可以order,佢哋由11：00至16：00都有午餐set提供，太好了。
咁我地就要咗個“香煎三文魚餐” 同“鮮露荀牛油蝦意粉餐” 一個選擇跟餐湯，我哋仲加咗10蚊改做龍蝦湯，另一個跟沙律。
頭盤跟餐沙律，沙律菜非常新鮮，仲配上青蘋果，而沙律最重要嘅靈魂，就係個沙律汁，一入口堅係有驚喜，好香嘅青蘋果味，加上檸檬汁，好開胃，真係好好味，經了解後原來呢個汁係餐廳自家調製，出面係無呢個汁，到而家提起呢個汁，我仍然好想再食。
沙律
54 瀏覽
0 讚好
0 留言
主菜個三文魚扒煎得邊皮位好香脆，但仍能保留著內裏好juicy 嘅魚汁，食完每一口，都會令你有滿口魚脂嘅芳香，久久不散，回味無窮。不能不提佢嘅伴菜，沙律汁係用自家製嘅士多啤梨汁，加上沙律菜好新鮮，唔係一般貨式。還有兩塊燒茄子及翠玉瓜，厚薄適中，燒到剛好，內裏仍有滿滿嘅水份，但外皮燒得香氣誘人。薯蓉都唔簡單，一入口已能食出係用新鮮薯仔做成，香濃嘅薯味夾雜著小小牛油嘅香味，令整個主菜生色不少。
三文魚扒
$98
65 瀏覽
0 讚好
0 留言
餐湯方面，我哋加10蚊轉咗做龍蝦湯，初頭以為都係嗰d行貨，無抱太大期望啦，點知…………，個湯有好濃好鮮嘅龍蝦味，裏面仲有蝦肉，係真嘅蝦肉，好味到一個點，強烈建議大家加10蚊。呢10蚊抵比，因為性價比好高。
龍蝦湯
36 瀏覽
0 讚好
0 留言
另一個餐鮮露荀牛油蝦意粉，露荀係用BB露荀，好高成本，所以食落一定好鮮嫩，配上香濃牛油，濃厚蝦味嘅意粉，已被迷上了，主角當然係蝦啦，好彈牙，同意粉一樣有濃濃嘅蝦味。
鮮露荀牛油蝦意粉
$98
52 瀏覽
0 讚好
0 留言
小食都加咗個香草雞翼，雞翼上枱時熱辣辣，香草味唔會搶咗雞翼嘅味道，而肉汁仍然封閉在皮入面，連小食都用心製作，真係香港精神。
香草雞翼
50 瀏覽
0 讚好
0 留言
餐飲有好多選擇，花多眼亂，樣樣都想試，今次試咗天然法國茶“和茗”，我係比佢嘅內涵吸引而選擇佢，有綠茶，矢車菊，玫瑰，金盞花。清熱消炎抗氧化解鬱嘅功效，一上枱已飄來一陣陣嘅香味，連坐我對面嘅朋友都嗅到，忍唔住要試一口，好香好濃，仲跟成個茶隔上，可以再加熱水添飲。
和茗
36 瀏覽
0 讚好
0 留言
另一餐飲係“榛子鮮奶咖啡”香滑嘅奶香，唔係一般嘅淡奶可以做到，一定係真鮮奶，還有濃濃嘅榛子味，配合上咖啡，簡直係天衣無縫。
榛子鮮奶咖啡
38 瀏覽
1 讚好
0 留言
跟餐仲有甜品，咪以為跟餐甜品就唔方好味，佢係會跟時令食材/水果而轉款，今日有鮮奶雲呢拿布丁，同士多啤梨布丁 ，上枱時外表平凡，但原來實力非凡，一試個雲呢拿鮮奶布丁，不得了，係用新鮮嘅雲呢拿籽加上鮮奶做成，好滑好棉，一杯真係唔多夠喉。而士多啤梨布丁，有半棵大大的士多啤梨係面，再加少少cream,下面係戲肉，好香好滑嘅士多啤梨布丁，入口即溶，食完滿咀滿喉嚨都充滿著餘香，好滿足。
鮮奶雲呢拿布丁，同士多啤梨布丁
33 瀏覽
0 讚好
0 留言
好完美嘅一餐，加上服務超好，呢間一定會再來。
張貼
