影片
更多
2019-07-26
20 瀏覽
上個月撞正父親節同阿爸生日，所以要BOOK間好野同佢食餐好既！不嬲都知佢鐘意食上海野，所以就上OP揾下有咩好選擇。搵下搵下，記得好耐之前，同朋友食過樂天皇朝都唔錯，一於去試下先！其實佢都有好多分店，不過最方便的始終係尖沙咀，所以BOOK左加拿芬道果間食夜晚！好在果晚BOOK定位先咁快入得去咋，唔係既話超多人等位，都唔知要排到幾時。今餐阿爸話無乜所謂，除得我地排版，話佢乜野都食喎！既然係咁我就叫D特別少少既，起碼平時少食D啦！例牌食上海野，一定係前菜冷盤食先啦。我今次叫左"芝麻醬油麥菜" + "醋醬海蟄頭".芝麻醬油麥菜呢個好特別，油麥菜係冷盤黎喎，用青瓜片將油麥菜卷成一條條咁，點芝麻醬食！咬落索索聲好脆口，口感好清新，有D帶苦既油麥菜配上芝麻醬又好MATCH喎，呢個係新派上海野既食法，好不錯！醋醬海蟄頭海蜇食得多，但海蜇頭就少食D，大大塊咁，咬落口感仲正過普通海蜇！海蜇頭配上浙醋更加帶出佢既鮮味，而且個底仲有好多青瓜，配埋D浙醋食好好味啊！果然夏天食正餐前都要叫D冷盤黎開下胃，即刻食慾大增啊！招牌小籠包食完冷盤又點可以唔食呢度既招牌小籠包呢！本來我想叫不同口味既小籠包試下㗎，不過老媽話
搵下搵下，記得好耐之前，同朋友食過樂天皇朝都唔錯，一於去試下先！其實佢都有好多分店，不過最方便的始終係尖沙咀，所以BOOK左加拿芬道果間食夜晚！好在果晚BOOK定位先咁快入得去咋，唔係既話超多人等位，都唔知要排到幾時。
今餐阿爸話無乜所謂，除得我地排版，話佢乜野都食喎！既然係咁我就叫D特別少少既，起碼平時少食D啦！例牌食上海野，一定係前菜冷盤食先啦。我今次叫左"芝麻醬油麥菜" + "醋醬海蟄頭".
芝麻醬油麥菜
呢個好特別，油麥菜係冷盤黎喎，用青瓜片將油麥菜卷成一條條咁，點芝麻醬食！咬落索索聲好脆口，口感好清新，有D帶苦既油麥菜配上芝麻醬又好MATCH喎，呢個係新派上海野既食法，好不錯！
醋醬海蟄頭
海蜇食得多，但海蜇頭就少食D，大大塊咁，咬落口感仲正過普通海蜇！海蜇頭配上浙醋更加帶出佢既鮮味，而且個底仲有好多青瓜，配埋D浙醋食好好味啊！果然夏天食正餐前都要叫D冷盤黎開下胃，即刻食慾大增啊！
招牌小籠包
食完冷盤又點可以唔食呢度既招牌小籠包呢！本來我想叫不同口味既小籠包試下㗎，不過老媽話小籠包就當然要食原味㗎啦，所以就叫返招牌果隻算喎！呢度既小籠包果然唔錯，湯汁好清，而且皮好薄又唔易穿喎！咬落去果下D皮好彈牙，而肉質好嫩，正！而且小籠包真係有18摺㗎，果然跟足正宗做法啊！
皇朝話梅骨
個樣望落去好似深色既京都骨咁，但係食落去陣味又完全唔同喎，有好香既話梅味，而且個汁甜甜地酸酸地咁，掛係每一粒骨上去，真係好正！每粒話梅骨都有肉帶住少少骨，吮D骨既時候話梅味仲正！
松子鮮果桂魚
終於黎到主菜啦！食上海野又點少得松子魚呢，呢度既松子魚用桂魚正，肉質好鮮嫩，而且炸得好酥脆，口感一流！不過呢度既松子魚最正既係個汁，果甜酸汁既味度真係較得剛剛好，酸甜味適中，而且上面耍滿松子，又有我最好既菠蘿提鮮，真係好YUMMY呢！
擔擔麵
食完個主菜松子魚，其實都飽飽地，不過都要叫D麵食下既！阿爸最鐘意食擔擔麵，雖然好BASIC，但又點可以唔試下呢！呢度個麵底好靚，咬落好彈牙，而且個擔擔麵個重點始終係個芝麻同花生味好濃好濃，所以湯底真係好香濃，好味到我連湯都飲埋！
豆沙窩餅 & 擂沙湯圓
食到飽飽，咁當然唔少得甜品時間啦！阿爸始終係鐘意D經典野，所以都係叫返豆沙窩餅，但我最LIKE擂沙湯圓，所以點可以唔叫呢，所以一於叫兩樣都試下！
豆沙窩餅都唔錯，煎得好脆，豆沙味好濃，不過豆沙如果再飽滿D就仲正啦！至於擂沙湯圓呢，就更加好味，糯米好煙韌彈牙，咬落去有勁多芝麻溶，真係好滿足啊，果然係賣飛忽！
呢餐真係食得好飽飽啊，阿爸話下次可以再來！不過下次可以試佢旁邊果間，食東南亞野既，呵！
張貼
