王家沙．花樣年華 (K11 Musea)

營業中

休息中

八月之星話未去過K11 Musea,一於陪佢嚟逛吓街影吓相，順便去埋王家沙食個午餐。不時都會去王家沙食嘢，呢間分店係第一次嚟，店內明亮，感覺舒服。點菜由壽星發辦，主要係大家鐘意嘅食物。小籠包湯汁鮮美，點埋醋汁夾埋薑絲食更正。嘉美雞肉質嫩滑好有雞味，滿滿酒香更啱口味。壽星對呢個乾煸四季豆讚不絕口，惹味帶脆，一條一條咁食唔停。菜飯嘅白菜保留一點點爽口，飯又沒有油嘅感覺，平時唔係點食飯嘅人，居然成碗食曬，真係唔錯。醬爆肉絲有一點甜味，用豆皮包住京蔥加埋肉絲一齊食，風味十足。桂花酒釀丸子係最愛甜品之一，又香又甜，還有酒釀嘅微微酒香，為呢一餐畫上完美嘅句號。