影片
更多
2023-02-11
150 瀏覽
香港既川菜店唔會由何時開始, 開得越來越多, 當中大部份都以酸菜魚作招徠, 自問係酸菜魚既忠粉, 所以一有時間我都會四周尋找酸菜魚踪影!今次我就嚟到”廚十三老壇酸菜魚”銅鑼灣分店開餐, 聽講餐廳來頭唔少, 佢係國內熱爆「太二」酸菜魚專門店既美國分店班底嚟香港登陸, 嚴格選用上等小葉芥菜, 90日醃製 ,真正做到正宗傳統四川風味~二話不說就嚟一個酸菜魚, 酸菜魚有size分 (細份, 大份&土豪份), 而且配料總共有14款咁多~我點咗大份既酸菜魚, 加錢點咗青筍片&午餐肉兩款配菜, 講真, 酸菜魚既份量真係巨誇張, 用「碟上」嚟形容, 完全形容唔到嗰份震撼感覺, 正確嚟講係用「洗面盤上」! 就算唔點配菜都好夠食~金湯味道酸酸辣辣, 唔會過酸過油, 亦唔會辣到嗆喉, 魚鮮味都幾出, 唔小心咬咗粒花椒, 麻麻地又幾香口; 盤入面有2條鱸魚, 魚肉起骨起刺, 肉質爽中帶滑, 廚師分工唔錯, 每件魚肉厚薄度都差唔多, 勁!毛血旺毛血旺紅油超多, 望落好似好辣咁, 其實辣度只係bb級, 但就有一般好重既麻辣香, 鴨血超滑溜, 豬肚煙煙韌韌, 牛栢葉爽脆, 土豆片&青筍片煮得好人味, 最重要係份量多
今次我就嚟到”廚十三老壇酸菜魚”銅鑼灣分店開餐, 聽講餐廳來頭唔少, 佢係國內熱爆「太二」酸菜魚專門店既美國分店班底嚟香港登陸, 嚴格選用上等小葉芥菜, 90日醃製 ,真正做到正宗傳統四川風味~
二話不說就嚟一個酸菜魚, 酸菜魚有size分 (細份, 大份&土豪份), 而且配料總共有14款咁多~
我點咗大份既酸菜魚, 加錢點咗青筍片&午餐肉兩款配菜, 講真, 酸菜魚既份量真係巨誇張, 用「碟上」嚟形容, 完全形容唔到嗰份震撼感覺, 正確嚟講係用「洗面盤上」! 就算唔點配菜都好夠食~
金湯味道酸酸辣辣, 唔會過酸過油, 亦唔會辣到嗆喉, 魚鮮味都幾出, 唔小心咬咗粒花椒, 麻麻地又幾香口; 盤入面有2條鱸魚, 魚肉起骨起刺, 肉質爽中帶滑, 廚師分工唔錯, 每件魚肉厚薄度都差唔多, 勁!
毛血旺
毛血旺紅油超多, 望落好似好辣咁, 其實辣度只係bb級, 但就有一般好重既麻辣香, 鴨血超滑溜, 豬肚煙煙韌韌, 牛栢葉爽脆, 土豆片&青筍片煮得好人味, 最重要係份量多, 感覺越食越有, 好意頭呀~
紅燒牛肉
呢個餸都幾重口味, 牛肉入口就令我諗起五香牛肉乾既味道, 但呢款牛肉肉質就偏向淋身, 白蘿蔔吸汁後味道有少少鹹, 但用嚟送飯又會覺得啱啱好~
土豆燒排骨
「廚十三」都算體貼, 餐牌上有多款小菜都係唔辣, 好似菠蘿咕嚕肉, 就自唔食辣既都照顧到!! 呢個土豆燒排骨同樣係零辣度, 土豆好加分, 入味得嚟又甜甜地, 淋淋滑滑, 推! 排骨相對嚟講就無乜特別, 都係有一定水準, 肉質幾嫩滑, 細細粒易餸飯~
張貼
