Chill Pill

營業中

休息中

🤔 小編去開太子花墟成日都會經過依間食肆，見佢都已經開咗一段時間，依日經過見仲有位，就入去食晚飯！🍱 MATCHY COMBO - 味噌比目魚 & 自家製炸蝦墨魚波波 (大阪燒 & 芒果醬) 😋😋😋😋咬落比目魚魚肉一梳梳，少少味噌醬包裹比目魚柳煮，都好入味！☺️ 自家製炸蝦墨魚波波需要額外加錢叫，不過小編覺得都值得嘅，依味小菜要花啲功夫同心思，咬開波波會見到蝦肉同墨魚，外脆內軟仲有海鮮新鮮嘅咬口，大阪燒同芒果醬都係自己調配，芒果醬仲帶咗啲香草薄荷味，味道特別得嚟唔衝突！👍🏻 🍱 MATCHY COMBO - 椒鹽玉子豆腐 & 米醋蓮藕漬 😋😋😋😋三小塊玉子豆腐微微煎香過，沾上椒鹽粉，食落軟滑有彈性；米醋蓮藕漬比想像中仲酸，蓮藕切成薄片，仲係好爽好挺身。👌🏻 🍱 MATCHY COMBO - 日本珍珠米 😋😋😋😋米飯上有日本飯素，煮得軟硬適中，粒粒分明！🍚🍹 開心果奶昔 😋😋😋😋😋😲 發覺越嚟越多地方有開心果嘅食品同飲品，佢哋有杯開心果奶昔，幾吸引！又叫咗杯嚟試！開心果奶昔加咗少少果粒碎碎，仲有兩塊鹽味pretzels，奶味唔會太濃而遮蓋開心果味，味道自然得開心果味又有咬口！🤗晚餐 💵💵💵