影片
更多
2023-08-09
430 瀏覽
Hyatt Centric出名有靚海景，今晚同朋友訂咗位於酒店頂層23樓既Cruise食dinner, 非常期待！一入到去已經俾個view震憾咗眼球，一整幅玻璃幕牆，完全將維港景色一覽無遺，餐廳樓底好高，裝潢好grand, 燈光微暗而柔和，十分有情調。好幸運地職員安排咗近窗嘅座位俾我哋，座位舒適闊落，望住個維港夜景，好chill。一坐低侍應就已經送上咗一碟蝦片，仲配咗三款沾醬，香脆又惹味。Menu上好多選擇，有選擇困難既我哋最後都係選擇咗由主廚決定既FEED ME! 套餐（每位$440）。首先前菜有燒栗米沙律，除咗焦香粟米，仲有大蝦、蛋、車厘茄、花生等，配上酸酸辣辣既醬汁，十分開胃。接住有油甘魚刺身，新鮮肥美嘅油甘魚配上青檸香草汁，真係一試難忘。豬腩肉生菜包超正，豬腩肉烤得恰到好處，香口但又完全唔乾，配上小葉生菜、芝麻葉、芥未醬一齊食好夾，一啲都唔流，相機未食就已經清咗碟喇。咖喱燴和牛面頰肉好出色，牛肉超級軟腍，索晒啲咖喱汁，咖喱夠香濃，仲可以配埋個自家製烤餅黎食，正！另外配菜都好有驚喜，香蒜辣椒炒通菜香辣惹味，蔥花蛋炒飯炒得夠乾身，粒粒分明，每粒飯都有蛋香味。最後上場既甜品可可椰子都
一入到去已經俾個view震憾咗眼球，一整幅玻璃幕牆，完全將維港景色一覽無遺，餐廳樓底好高，裝潢好grand, 燈光微暗而柔和，十分有情調。
好幸運地職員安排咗近窗嘅座位俾我哋，座位舒適闊落，望住個維港夜景，好chill。一坐低侍應就已經送上咗一碟蝦片，仲配咗三款沾醬，香脆又惹味。Menu上好多選擇，有選擇困難既我哋最後都係選擇咗由主廚決定既FEED ME! 套餐（每位$440）。
首先前菜有燒栗米沙律，除咗焦香粟米，仲有大蝦、蛋、車厘茄、花生等，配上酸酸辣辣既醬汁，十分開胃。接住有油甘魚刺身，新鮮肥美嘅油甘魚配上青檸香草汁，真係一試難忘。豬腩肉生菜包超正，豬腩肉烤得恰到好處，香口但又完全唔乾，配上小葉生菜、芝麻葉、芥未醬一齊食好夾，一啲都唔流，相機未食就已經清咗碟喇。咖喱燴和牛面頰肉好出色，牛肉超級軟腍，索晒啲咖喱汁，咖喱夠香濃，仲可以配埋個自家製烤餅黎食，正！另外配菜都好有驚喜，香蒜辣椒炒通菜香辣惹味，蔥花蛋炒飯炒得夠乾身，粒粒分明，每粒飯都有蛋香味。最後上場既甜品可可椰子都係水準之上，椰子雪糕同朱古力呢個配搭好夾，口感層次好豐富，甜而不膩。
整體而言，呢餐飯食完非常滿足，道道菜式都十分出色。我哋order埋酒精飲品最後埋單每位大約$530，雖然唔算平，但係有咁高質既美食，環境同服務，我覺得完全值得，絕對係用餐上嘅享受！
張貼
