地窖門 (已結業)

香港生活壓力大，每天返工放工，勞勞役役，好不容易，終於到happy Friday。上星期五約咗班兄弟姐妹去西環一間地下酒窖傾計，兼食吓Tapas。呢間《Cellar Door地窖門》 位於香港大學站附近，行大約三分鐘就到達。黎到門口會有一種台北感覺，簡約得黎又帶點慢活氣息。一入門口會有一條通往地窖的樓梯，下層裝修以木制傢俬為主，而且還有舞台，供weekends live band表演。Menu以tapas為主，有十五種選擇，每一樣價錢都是$50，唔會太細碟，足夠分享。叫得做地窖門，就一定唔少得各種酒精飲品：啤酒，紅、白酒，氣酒及甜酒，任君選擇。先點了一支白酒Gewurztraminer, 此白酒屬於甜白酒，果味超級濃郁，冷飲為佳。由於甜味濃度高，適宜配搭小食一起喝。第一樣Tapas係Potato Salad, 個人認為must叫item,薯仔爽口,酸酸美美，充滿洋蔥香，上面灑了煙肉碎，既飽肚，亦美味。第二樣Tapas, Chorizo & Lima Bean, Chorizo係西班牙風乾腸仔，食落同Salami有點似，香煎後充滿油香，加埋Lima豆同茴香籽一齊炒香，令整個小食香氣四溢。