影片
更多
2023-04-02
1562 瀏覽
「七巧板」玩過未？細細個嗰陣已經玩過啦，不過，今晚嚟到呢個「七巧板」（Tangram）就無得玩，只有美食。之前睇過朋友嘅食評，介紹呢間新派日系餐廳，有啲日式嘅Tapas，都頗為特別。 但喺今次嚟，就唔喺為啲Tapas，而喺為咗新推出嘅AKI Bowl，喺乜嘢嚟，等陣再介紹！有電梯直達餐廳，而一出電梯，就已經喺餐廳範圍。 走到入去原來餐廳非常之大，左邊一組用餐區，右邊除咗開放式廚房，走到尾亦都有另一組用餐區。柔和嘅淺色木系裝修，設計簡約，極有和風美學感，加上光線柔和，予人感覺舒服。近門口島形嘅吧位，喺喜歡小酎幾杯客人嘅天堂，餐廳提供多款高級日本清酒、、葡萄酒，駐場調酒師更以清酒特調出甚具特色嘅雞尾酒。至於再隔離嘅喺全開放型廚房，絕對喺廚師表演嘅舞台，晌度可以欣賞到廚師團隊不斷製作美食，走近少少，就傳來陣陣香氣。店名改得好有意思，「七巧板」（Tangram）寓意將唔同嘅食材互相配搭，烹煮出精緻美食，所以，從餐牌所見，由前菜、AKI Bowl，到主菜，菜式都甚具融和風格，透過傳統法國菜與亞洲靈感融合。雖然選擇唔多，但都喺貴精不貴多之選。飲品方面，上文都提過少少，除高級日本清酒、紅白餐酒，仲有
有電梯直達餐廳，而一出電梯，就已經喺餐廳範圍。 走到入去原來餐廳非常之大，左邊一組用餐區，右邊除咗開放式廚房，走到尾亦都有另一組用餐區。柔和嘅淺色木系裝修，設計簡約，極有和風美學感，加上光線柔和，予人感覺舒服。
近門口島形嘅吧位，喺喜歡小酎幾杯客人嘅天堂，餐廳提供多款高級日本清酒、、葡萄酒，駐場調酒師更以清酒特調出甚具特色嘅雞尾酒。
至於再隔離嘅喺全開放型廚房，絕對喺廚師表演嘅舞台，晌度可以欣賞到廚師團隊不斷製作美食，走近少少，就傳來陣陣香氣。
店名改得好有意思，「七巧板」（Tangram）寓意將唔同嘅食材互相配搭，烹煮出精緻美食，所以，從餐牌所見，由前菜、AKI Bowl，到主菜，菜式都甚具融和風格，透過傳統法國菜與亞洲靈感融合。雖然選擇唔多，但都喺貴精不貴多之選。
飲品方面，上文都提過少少，除高級日本清酒、紅白餐酒，仲有啲香檳、烈酒、啤酒、梳打特飲同汽水。3:00pm-9:00pm仲喺Happy Hour，有買一送一嘅誘人優惠添。
Mango Soda $78同朋友對酒都唔喺好大興趣，梳打就啱我哋多啲。小弟一向都醉心於芒果味，梳打賣相都好晶瑩,擺咗一半片橙片乾做裝飾，睇落都爽晒，加上我哋揀嘅食物都比較濃味，所以都幾襯。
Marinated Salmon $138先離一客醃三文魚，日本菜 一向晌賣相信都好下功夫，所以，你見呢個雖然只喺簡簡單單嘅醃三文魚，但喺賣相真喺幾靚仔。三文魚醃漬過，質感帶點實淨，味道帶點鹹鮮，配上香草同乳酪調和，感覺真喺啱啱好。
Marinated Salmon
$138
13 瀏覽
0 讚好
0 留言
Grilled Octopus $198呢一度「烤八爪魚」有啲似西班牙嘅Tapas，八爪魚鬚切成粒粒，再拎去烤香，入口韌勁十足，伴以油浸嘅燈籠椒，令其食味充滿油香，非常適合配上啤酒嘅前菜。
Yakimono Selection $178再落嚟就喺日式串燒拼盤，拼盤有牛柳粒、雞肉、日本小青椒，每款都有兩串，啱晒兩三個人共享。牛柳粒好軟腍，帶少少焦脆，簡單少少鹽嚟調味已經好好食；雞串燒都算肉嫩，反而啲小青椒最有驚喜，咬落仲有少少脆口感，唔辣，卻好有青椒味道。
AKI Bowl - Confit Duck Leg $168其實AKI Bowl喺一道法日嘅融和菜，由法藉大廚精製嘅法國清湯，加上高級食材，配上日本蕎麥麵所組合而成嘅西式湯麵料理。個玩法更喺由侍應堂前幫你倒湯，呷一口，湯頭濃郁，清而不濁，小弟就要咗法式油封鴨，鴨肉肉質細緻，油香豐腴，溫泉蛋煮得啱啱好，蛋黃極度流心，呢啲蕎麥麵都幾耐浸，食到尾都唔會話腍晒。
AKI Bowl - Confit Duck Leg
$168
9 瀏覽
0 讚好
0 留言
AKI Bowl - Roasted French Chicken $168另一款AKI Bowl揀咗法國黃油雞，同樣伴有流心蛋，仲加咗好多配菜、珍珠筍，灑咗啲芝麻點綴，賣相好睇，而啲黃油雞有陣陣鮮甜味，雞肉好嫩滑，帶點油香，同樣好食。
AKI Bowl - Boston Lobster $228至於個龍蝦蕎麥麵，睇見碗內咁多龍蝦肉都興奮啦，最正喺啲龍蝦拆晒肉，入口啖啖肉，蝦味鮮爽彈牙，絕對喺靚食材，仲有唔少青嫩嘅露筍。題外話，如果午市時段嚟，嗌AKI Bowl都會贈送是日廚師沙律及咖啡或茶。
AKI Bowl - Boston Lobster
$228
13 瀏覽
0 讚好
0 留言
主菜方面，揀咗一款法式燉雞同日本香煎牛里脊。先登場喺法式燉雞配日本米飯，雖然話叫做燉雞，其實喺將黃油雞煎香，配上法式嘅燉雜菜，啲燉雜菜好好食，好香濃；當然啲雞肉亦都好嫩滑，亮點就喺甚少脂肪，所配嘅日本米做法有啲似意大利飯咁，飯粒好軟糯，掛滿忌廉汁，正呀！
Beef Tenderloin $238另一道主菜喺比較西式嘅香煎牛里脊伴蕃薯條，賣相唔花巧，伴有少少沙律菜，但喺睇見牛里脊，外層焦香，裏面肉質粉嫩，半點血水都無，火喉啱啱好。感覺喺上乘嘅食材，落刀切落去肉質好軟身，食落真喺好腍滑，又富肉香，個汁亦都好香濃，炸蕃薯條粉甜好食，香脆不油膩。
Beef Tenderloin
$238
8 瀏覽
0 讚好
0 留言
Cold Mint Infusion Red Fruits $78既然食好嘢，餐後梗喺要有啲甜品先夠完整嘅，先嚟呢個其實屬於生果碗多過甜品，不過，餐後食啲生果又真喺幾好，因為碗內有好多新鮮藍莓、士多啤梨、紅桑莓，又加咗少少薄荷，以及原味乳酪，涼涼哋好清新。
Pineapple Crumble $68另一款甜品菠蘿金寶跟自己預想嘅樣有少少出入，新鮮菠蘿肉烤焗好之後，加上少少金寶粒，所以食落比較輕盈啲；由於菠蘿粒喺新鮮貨色，味道好清甜，而金寶粒好脆口，再配上啲乳酪醬，令整體更平衡，唔會太膩。
Pineapple Crumble
$68
17 瀏覽
0 讚好
0 留言
今餐真喺食得又飽又豐富，結論就喺考察成功，值得推介俾老友。
張貼
