影片
更多
2023-03-19
182 瀏覽
環境好靚好大，舒適又帶點優雅感，晚上仲會調暗燈光，更浪漫有情調。落單至上菜都配搭客人進食速度，而且有禮又勤快，感覺很好。沙律好豐富，有燒牛肉、煙肉、牛油果、雞蛋、火箭菜、沙律菜...配芥末籽醬汁，好清新開胃。牛肉味道濃，肉質嫩腍。牛油果完熟超香滑，配雞蛋好正。令人驚喜係煙肉，微咸又香口，少少厚身有肉感，邊位仲脆卜卜。海鮮龍蝦汁意大利飯有濃郁的龍蝦味，意大利飯煮得剛好，少少軟身，中間有咬口少少煙韌，最正係吸哂龍蝦汁味。帶子粒份量多，肉質細嫩。海鮮也豐富，蝦肉爽口彈牙，蜆肉飽滿脹卜卜，入口鮮味有海水咸鮮，青口係細細粒鮮味較重的款，肉嫩好味。加拿大豬鞍份量足夠2人分享，厚切啖啖肉，肉質柔軟嫩彈，連少少脂肪位，入口甘香惹味，肉味幾重，不過口感更勝一切。醬汁有酒香味，好夾豬肉又好味，不過唔使醬汁都好正，豬肉調味到位。烤蒜都幾正，已經軟身不辣，只有蒜香，配豬鞍食一流。配菜都令人滿意，有大隻蘑菇，肉厚又濕潤多汁，菇味好香。羽衣甘藍好嫩腍好油香，非常美味。蕃茄係完熟的，好甜美多汁。Yuzu Frost入口清新，充滿柚子味，而且係超強柚子香，酸酸甜甜，用清酒同Gin酒調製，唔會太重酒味，好易入口。Th
環境好靚好大，舒適又帶點優雅感，晚上仲會調暗燈光，更浪漫有情調。落單至上菜都配搭客人進食速度，而且有禮又勤快，感覺很好。
Venetian Salad
9 瀏覽
0 讚好
0 留言
沙律好豐富，有燒牛肉、煙肉、牛油果、雞蛋、火箭菜、沙律菜...配芥末籽醬汁，好清新開胃。
牛肉味道濃，肉質嫩腍。牛油果完熟超香滑，配雞蛋好正。令人驚喜係煙肉，微咸又香口，少少厚身有肉感，邊位仲脆卜卜。
Seafood Lobster Risotto
10 瀏覽
0 讚好
0 留言
海鮮龍蝦汁意大利飯
有濃郁的龍蝦味，意大利飯煮得剛好，少少軟身，中間有咬口少少煙韌，最正係吸哂龍蝦汁味。帶子粒份量多，肉質細嫩。
海鮮也豐富，蝦肉爽口彈牙，蜆肉飽滿脹卜卜，入口鮮味有海水咸鮮，青口係細細粒鮮味較重的款，肉嫩好味。
Canadian Pork Rack
6 瀏覽
0 讚好
0 留言
加拿大豬鞍
份量足夠2人分享，厚切啖啖肉，肉質柔軟嫩彈，連少少脂肪位，入口甘香惹味，肉味幾重，不過口感更勝一切。
醬汁有酒香味，好夾豬肉又好味，不過唔使醬汁都好正，豬肉調味到位。烤蒜都幾正，已經軟身不辣，只有蒜香，配豬鞍食一流。
配菜都令人滿意，有大隻蘑菇，肉厚又濕潤多汁，菇味好香。羽衣甘藍好嫩腍好油香，非常美味。蕃茄係完熟的，好甜美多汁。
Yuzu Forst
4 瀏覽
0 讚好
0 留言
Yuzu Frost
入口清新，充滿柚子味，而且係超強柚子香，酸酸甜甜，用清酒同Gin酒調製，唔會太重酒味，好易入口。
The Next Colada
4 瀏覽
0 讚好
0 留言
The Next Collada
賣相好靚，味道係士多啤梨、香蕉 奶昔加酒咁，帶有Coconut milk香與果香混合，好香甜順喉。用左Bacardi及Maribu酒 調成雞尾酒，Rum酒味突出，但好好飲。
張貼
