大公雞 (已結業)

今日陪朋友嚟新公司簽合約，之後就係佢公司附近呢個商場搵野食。呢個商場都幾多餐廳，最後揀左呢間台式餐廳。叫左四寶手工麵，有雞翼牛筋牛腩豬大腸,仲要咗個台式半筋半腩飯。跟住就揀咗兩個小食分別係椒鹽魷魚鬚同埋寶島鹽酥雞，飲品點左仙草奶茶同奶蓋奶茶。首先是四寶手工麵最快做好個湯底聞起嚟已經好香亦都好有古早味道，牛筋，牛腩，豬腸亦都炆得好腍，雞翼好入味，佢個麵條非常彈牙qq，好好味，價錢（$65）超值！另外個半筋半腩飯，牛筋炆得夠淋但仍然有一定嘅彈牙口感，牛腩又係入味得嚟唔會炆耐到鞋口，份量好多，好食！寶島鹽酥雞好正宗係台灣嗰種味道，外皮酥香入面雞肉嫩嫩。個魷魚鬚有啲似港式不過都好好味，外皮炸到薄脆入面嘅魷魚彈牙，爽爽，陣椒鹽味好香！兩杯茶飲同出面台式飲品店嘅品道一樣，仙草份量都好多，奶茶又好夠茶香，好飲！