珍味泉越南粉 (已結業)

上次小編介紹完一間係葵興站附近一間餐廳，今次都唔例外又嚟到葵涌中心搵嘢食喇🤤。今次有些少唔同係約埋朋友仔👯‍♂️一齊嚟試啲好野喇。而呢間餐廳係食越式菜，聽到越式菜就會諗起檬粉🍜。但小編今日就唔食檬粉，而係試下火車頭呀🚆。因為好奇唔知乜嚟，嗌嚟試下滿足一下小編嘅慾望👀。而呢間餐廳個名係叫「珍味泉越南粉」🤳。✦✦✦✦✦✦✦✦✦✦✦✦✦✦🎈火車頭湯河/金邊粉 $55揀完菜式之後記得要揀埋要乜野湯粉✍️，而餐廳有提供河粉，金邊粉同檬粉。一上檯終於知道火車頭係乜野嚟喇✨，原來係大雜燴，樣樣野都有啲😯。牛丸、鮮牛肉、扎肉絲都有齊，牛肉仲要好鮮，唔會太韌，入口爽口唔黐牙，牛丸有彈性，咬入口即刻聞到牛肉香味🌬️。金邊粉係幼細版嘅河粉，小編最鍾意夾一大啖嚟食👄，而金邊粉唔會係茶記食到。另外，地道越式湯麵會落香葉同辣椒，湯底辣味好強烈👃，又開胃又提升味道嘅刺激👍。✦✦✦✦✦✦✦✦✦✦✦✦✦✦餐廳位置唔算偏遠難搵，商場中心隔離就係港鐵站🚂，非常近。而小編通常嚟到越式餐廳食湯河居多👍，正正因為呢種獨有味道，吸引到小編一試再試🙊。✦✦✦✦✦✦✦✦✦✦✦✦✦✦