菓屋 (已結業)

小編又喺葵涌廣場搵嘢食喇，嘻嘻嘻🤭！葵涌廣場除咗三樓有好多小食之外，二樓都一樣咁多呀😲！小編平時就飲好多珍珠奶茶🥤，今日就想特別少少，唔好成日飲奶茶喇。咁就去到遠少少嘅位置，一間叫做《菓屋》，小編畀佢哋店舖同餐牌吸引住咗😳，點解咁講呢？因為店舖嘅裝修好有日系風格👀，另外餐牌五顏六色睇得幾鮮明✨。餐牌上面有分奶類同埋茶類☕，主要係圍繞住水果為主🍎，小編最後決定幫襯下啦👍。🎈香印青提茶 大杯裝 $31店舖嘅嘢飲都有分中同大杯🥤，而大杯裝只需要加多7蚊。而小編就揀咗大杯裝嘅青提茶🤤。小編一飲就已經飲到青提嘅外皮同鮮甜😻，好似食緊啖啖果肉👅。而且外賣係用靚靚長紙袋裝住，小編係好鐘意用紙袋裝住嘢架🎉。飲管因為係粗身🔍，所以飲嘅時候唔會畀啲果肉果皮卡係管到又啜得好辛苦。果汁新鮮榨出嚟特別好飲✨，而且營養價值高，新鮮嘅水果本身嘅鮮甜足已提供好多糖分🧊，飲落就甜得嚟又放心🤤。好多人依家都好鐘意飲珍珠奶茶🥤，不過小編就認為間唔中飲下新鮮水果茶🍏，總會有不一樣嘅感覺，可能你都會愛上飲呢款嘢飲呢❤。