冬蔭公公 (已結業)

放工又攰又唔想煮飯，仲要年近歲晚，又要辦年貨，打理家務，清潔，真係唔願去買菜煮飯，唯一，就係出街食飯，解決我和個仔的晚餐，就是去常食的飯堂。平時晚飯時段，都會出現人龍，假日，更加等位要等上半小時。餐牌上的食物都好吸引，見到都流晒口水。青咖哩豬扒飯～香濃咖哩味，咖哩醬汁夠濃郁，啖啖椰奶香，有點辣，豬扒比較薄身，帶點韌、嚡。芋頭粉香，加上醬汁配飯，口感豐富，食慾大增。紅咖哩肉燥飯～香濃夠稠身咖哩，肉燥份量多，又滑又香，不太辣，佐飯一流。