美中·鴨子 (已結業)

同事聚會一行六人，無得訂位，可能早到唔算等左好耐，有同事食過幾次，放工唔想諗野所以同事推介食乜就食乜。喇喇臨落完單，傾下偈，欣賞下周圍，暗暗地都幾有情調（雖然係中餐😆），啲餐具都好靚，配合埋射燈，閃閃發光～ 最中意鴨仔筷子托^_^首先係前菜鴨湯，好夠味，正！雞絲粉皮，正常水準！醉雞唔夠醉。小籠包，正常水準！水煮魚好味，夠惹味，再辣啲更好，但呢個辣度係老少都食到的辣！魚塊好滑，以為好少魚，但食下食下都幾多，如果粉皮多啲就仲好，索左汁好正，比魚塊再辣啲主角片皮鴨！鴨味濃，皮又脆，甜醬夠濃，薄餅皮煙煙韌韌，perfect! 呢餐的份量對女孩子黎講非常夠飽！但男孩子應該可以食多兩道菜用埋信用卡優惠，非常抵食！