四海遊龍鍋貼水餃專門店 (已結業)

收左工就係附近醫埋肚先返屋企，呢度食係貪佢方便，快同經濟，不過談唔上正囉。呢碗翡翠拉麵，係主要由綠色水餃做主角，外皮綠色係因為由蔬菜混合打成，不過味道同普通皮根本一模一樣，係無味道，同埋外皮都算厚。至於內餡有少少驚喜啦，係豬肉混合西芹做成，豬肉都算多，肉質唔算鞋，但係特別在有西芹食落係達達聲既口感，效果不俗。而湯底係清湯底，加上拉麵較粗身，食落甚有飽肚感但口感欠佳。