影片
更多
2010-06-11
111 瀏覽
RANK ACCORDING TO MY FAVOURITES:Crème Brulee薄薄一層即燒法國黃糖, 香脆甜美燉蛋極度香軟幼滑! 既富蛋香又富雲呢拿香, 底層更可見大量雲呢拿籽!其香滑程度令人難忘, 以後食crème brulee必會以此作比較的確係十分有水準既焦糖燉蛋, 難怪成為招牌甜品Cremoso Craquelin $35層次感豐富既美味抹茶蛋糕, 無人推介, 我推介!抹茶慕思> 海綿蛋糕> 抹茶ganache> 榛子朱古力脆脆尤愛抹茶慕思 + 抹茶ganache前者軟滑帶奶香, 抹茶味甚濃; 後者更濃抹茶味, 而且味道自然不假Praline脆脆帶濃濃既榛子朱古力味, 雖然很可口 但有點蓋過上層抹茶味道所以, 我食慕思時只連少量脆脆同吃, 將一大半脆脆留待最尾先食, 嘻嘻其柔滑與恰到好處的抹茶濃度深得我呢個抹茶迷喜愛, 吃罷依然懷念至今!Mille Feuilles非常出色特別的拿破倫!! 吉士香滑無比, 極富雲呢拿香!鬆脆酥皮重牛油香之餘, 面層與每層酥皮之間竟然仲夾有香脆焦糖! 更添美味Mimosa的酥皮無疑係較酥化, 但脆焦糖為老佛爺加
RANK ACCORDING TO MY FAVOURITES:
Crème Brulee
薄薄一層即燒法國黃糖, 香脆甜美
燉蛋極度香軟幼滑! 既富蛋香又富雲呢拿香, 底層更可見大量雲呢拿籽!
其香滑程度令人難忘, 以後食crème brulee必會以此作比較
的確係十分有水準既焦糖燉蛋, 難怪成為招牌甜品
Cremoso Craquelin $35
層次感豐富既美味抹茶蛋糕, 無人推介, 我推介!
抹茶慕思> 海綿蛋糕> 抹茶ganache> 榛子朱古力脆脆
尤愛抹茶慕思 + 抹茶ganache
前者軟滑帶奶香, 抹茶味甚濃; 後者更濃抹茶味, 而且味道自然不假
Praline脆脆帶濃濃既榛子朱古力味, 雖然很可口 但有點蓋過上層抹茶味道
所以, 我食慕思時只連少量脆脆同吃, 將一大半脆脆留待最尾先食, 嘻嘻
其柔滑與恰到好處的抹茶濃度深得我呢個抹茶迷喜愛, 吃罷依然懷念至今!
Mille Feuilles
非常出色特別的拿破倫!! 吉士香滑無比, 極富雲呢拿香!
鬆脆酥皮重牛油香之餘, 面層與每層酥皮之間竟然仲夾有香脆焦糖! 更添美味
Mimosa的酥皮無疑係較酥化, 但脆焦糖為老佛爺加分, 比Mimosa更吸引可口!
( 提提大家, 想食拿破倫唔好咁夜去, 因為成日都好快賣晒 )
Craquelin au Chocolat
看其超濃黑外表已估到朱古力味一定好濃
切開呢件黑朱古力磚真係需要一點力氣
如此厚實既朱古力, 令我諗起文華東方的choco mud pie呀
朱古力慢慢在口內溶化, 又滑又濃郁, 好享受呢一刻!
而底層脆脆亦令此甜品更美味
幹掉半件之後已覺膩滯, 千萬別想自己一人獨吞
Apple Rhubarb Crumble
Crumble幾脆, 玉桂味特濃, 蘋果大粒爽口但較酸,
仲食到細細粒大黃, 去掉酸酸的大黃應該會令此甜品更甜美
始終覺得apple crumble要熱食先好味, 拎返屋企焗熱, 美味感頓時提升數倍!
焗熱後牛油香撲鼻, crumble更香脆鬆化, 連雲呢拿雪糕同吃更滋味
Tiramisu
厚厚既mascarpone非常輕軟香滑, 好美味
底層薄薄既lady's finger不夠濕潤, 帶咖啡香但酒味不夠
Not the best one I've ever had.
Dome Chocolat Myrtilles
被濃黑朱古力+金色macaron既高雅賣相吸引住
外層黑朱古力醬十分濃郁,
藍莓慕思十分滑溜 可惜果香欠奉, 海綿蛋糕亦略嫌乾身
朱古力慕思雖幼滑 但朱古力味不夠濃郁
金色macaron質感鬆脆但徒有甜味
Rose Raspberry Macaron
粉紅賣相可愛漂亮, 哈哈 完全為其賣相而買
Macaron鬆脆帶玫瑰香, 內有大量粉紅軟滑忌廉, 玫瑰味頗濃又不俗
忌廉實在太多了, 酸酸既桑莓正好可以中和一下甜膩
個人麻麻地香水味甜品, 此款式尚可接受, 但不太抵食
Pear Caramel Vanilla Tart
率先試試新出既梨撻, 名字好吸引, 可惜味道沒驚喜, 令人失望
面層係厚厚既雲呢拿忌廉, 好香雲呢拿味又柔滑
但底層聲稱被焦糖浸過既梨蓉 並不香甜, 味道普通
撻皮較實, 不鬆脆而且竟然有濃濃蛋黃味, 味道怪怪
Lemon Tart with Meringue $35
蛋白太甜太甜太甜了, 如此甜的蛋白佔了檸檬撻的大部分
檸檬餡雖然酸香美味, 可惜就只有薄薄一層, 不夠中和超甜蛋白啊
撻皮幾脆, 但缺乏牛油香, 整體味道一般亦唔抵食, 最不推介
---------------------------------------------------
$35-40一件蛋糕, 對部分款式黎講, 確實唔抵食, 更令某些食家失望
但個人認為Crème Brulee, 拿破倫, 抹茶蛋糕 等款式都好抵食
試諗下, 平時去café叫一件質素普通既cheesecake 都要幾十蚊啦係咪?
另外, 讚一讚店員服務, 好友善而且詳細介紹各款甜品
btw, 如果老佛爺大間d, 放多d位俾客人堂食 就好了
店子太小, 總係迫滿人, 只有3張高椅, 想堂食影靚相一定要耐心等候
提提大家, 最近K11有promotion (9/6-23/7) :
星期一至五12:00-15:00惠顧老佛爺滿$200就送2粒macarons!!
我遲左半個鐘先到, 錯過了優惠, 大家唔好錯過啊!!
張貼
