老厝邊

營業中

休息中

餐廳：老厝邊地點：佐敦上海街菜式：古早味台灣菜餐牌：而家有新開早餐時段，有湯麵系列，陽春麵系列，鐵板麵系列，蛋餅系列，抓餅系列，三明治系列，厚吐司系列同台式營養總匯。包飲品一杯4選1，都可加錢升級飲品。落單用QR code。台式營養總匯 $55台式營養總匯可選肉類2選1，我揀左香煎豬排片，整得好彈牙，爽脆而豬味濃，面頭簡單加上黑椒調味，好夠味。豬排下底墊有香草蘑菇，伴有小沙拉，其實係沙律菜加車厘茄，簡單加上黑醋調味。仲有香脆炸薯餅一塊，牛油吐司一開二，茄汁豆，同雙蛋（太陽蛋或者炒蛋）。我揀左炒蛋，炒得有蛋汁而味道鹹香。呢份早餐高質又豐富。起司火腿蛋三明治 $36起司火腿蛋三明治好大份，兩塊麵包夾住煎雞蛋，一片芝士，火腿，新鮮番茄，生菜，加上茄汁。大份到要分開一層層食。麵包有烘底。肉鬆煉乳厚吐司 $25肉鬆煉乳厚吐司果然又厚又大件，面頭加上甜到漏煉乳，同埋多多肉鬆。食落外脆內鬆又甜又鹹，正！柳丁汁 加$3柳丁汁大大杯，附上獨立包裝飲管。熱豆漿熱豆漿熱辣辣上枱，豆味適中，甜度剛好。都可以揀凍。總括而言，今次第一次試呢度既早餐，估唔到質素都好好。呢間分店裝修光猛，乾淨企理。