茜廊餐廳 (德福廣場1期)

營業中

休息中

疫情較為穩定啲，係時候約老友出嚟聚吓舊，我哋揀咗呢間老子號餐廳。九龍灣站出，好易搵。訂咗枱，去到就入得。座位寬敞坐得好舒服。落單嗰位肥哥哥好好禮貌，仲好仔細咁介紹餐牌上嘅食物。 我終於揀咗羊脾扒伴大蝦配薯菜，要松露洋蔥汁。而我朋友就叫咗美國極級牛肉眼扒。原來套餐仲可以優惠價加配小食，於是又再叫咗: 椒鹽雞中翼沙律同炸馬介休球。好快就嚟咗個熱辣辣嘅蒜蓉包，嘩…..咬落去，同出面嘅唔同，佢外脆內軟蒜蓉好香。羅宋湯亦非常濃郁，用料十足。主菜都好快到，羊脾不單止賣相好，啲肉仲好嫩滑，羊味唔太膻，大蝦鮮甜，伴菜都有三種，份量足。而我朋友要嘅肉眼扒略嫌太多筋，但肉質尚可。椒鹽雞中翼非常入味，外皮炸到脆卜卜，肉質仍保持嫩滑。炸馬介休球更加不得了，鹹香味恰到好處，好特別嘅味道，兩份小食嘅沙律菜好新鮮。最後仲叫咗兩個甜品: 奶凍和有椰子肉嘅椰子雪糕，再嚟埋杯手調咖啡。完美的一個晚餐。下次約朋友都會再嚟食呢間。