陶園燒臘飯店 (已結業)

阿媽話今晚有人黎食飯，叫我放工去買多少少餸，真係俾佢考起，好彩都俾我諗到，最後決定去左斬料加餸，同事介紹黎呢度買燒味，話呢度啲燒臘唔錯。黎到舖頭門口，有隻又大又過癮既燒鵝著住廚師衫，好易認，呢度除左燒味，仲有臘味同埋滷水，選擇都幾多。我就叫左份燒鵝下莊同埋叉燒。荔枝柴脆皮燒鵝-下莊即係燒鵝脾，用荔枝柴燒既鵝真係別有一番風味，除左皮香脆肉嫩滑外，仲有陣陣柴燒香氣，點埋個燒鵝必點既酸梅醬，絕配！古法叉燒 - 我仲驚唔夠食，點知份量都幾多，最後真係食唔晒，我估佢用左梅頭肉，肉質鬆化淋滑，肥膏唔多但完全唔鞋，調味亦都剛好！