金羅寶韓國料理

營業中

休息中

得兩個人，又唔係太肚餓，係銅鑼灣行完街之後，都要食少少野，友人想吃韓國燒，就試下呢間老字號。其實聽就聽左好多年，但食就第一次。上到去，裝修幾好，好傳統氣派嗰隻。已經幾滿座，見到又有一家大細，又有一大班朋友聚會。一坐低，先來多碟餐前小菜。我最鐘意豆腐皮同紫菜。我地決定叫個大牛拼盤黎燒，應該夠我地食有特，所以冇叫其他野。嘩，都真係幾大份。醃得幾好味。有唔同種類，可以試唔同野，幾好。店員好好，幫我地換左幾次鐵板，幾貼心！最後仲有雪糕或者熱紅棗茶送，不錯！