莎厘娜餐廳 (已結業)

屋企人突然話要去呢度食西餐, 話呢到d野好食, 仲話細個都有帶過我黎食. 真係一d印象都冇. 星期五晚黎到發覺裏面都幾逼. 裝修係好古老, 望到佢不同團體送卑佢d牌就知佢老字號. 睇埋張檯的格仔檯布同桌墊, 就知呢度好old school. 蒜容包: 好味, 夠多蒜容, 唔會太多牛油, 唔會太乾.羅宋湯: 試左一啖. 好在夠多料加一d都唔油.周打魚湯: 出奇地唔會好稀, 好多料, 魚, 菜餅乾都多. 味ok.德國鹹豬手: 好正. 屋企人比較鍾意食烚的豬手, 因為冇燒的咁乾. 呢度烚得啱啱好, 又唔會太鹹. 酸菜係成舊的, 只係少少酸, 個人唔鍾意, 覺得切絲同酸d好味d.牛利: 本人唔鍾意食牛利, 主要係因為我見到佢個形狀就覺得好恐怖. 但見佢出名就試左舊, 果然係好腍同好味. 不過汁再傑d會再好d.炸龍利柳: 炸得非常好, 炸粉唔會太厚, 裏面的魚仲juicy. 味道剛剛好. 配菜唔好味, 紅蘿蔔烚得太腍但節瓜就有d生. 咖啡奶茶都ok. 冇乜特別.隔離班小朋友訂左火焰雪山！好羨慕！點左火好型呀！希望下次黎記得訂個.總結:　呢個價錢都幾抵食. 加上係老字號, 點都要十卜下. 可惜聽聞