影片
更多
2022-10-20
415 瀏覽
今日又係食在元朗，呢間位置元朗廣場附近既北京水餃店行經過好多次，門口擺在d餡餅出黎外賣，而門口餐牌都列左d上海菜既餐牌，睇返門口格局都算一間老店，今日就一於試下啦。小店環境不大，但都有差唔多8-10張枱，格局都比較舊式，可見小店都有一段歷史無番新過，中午時間都有6成客人。睇過下餐牌有午市套餐送豆漿，正價餐款式都離唔開豬排，上海粗炒之類，其中一項比較特別就係日式拉麵底，但餸菜就都係上海式，小食方面有d餡餅呀，炸春卷之類香口野。擔擔水餃麵先講麵係用上海拉麵，麵量都幾多下，食落算爽口，唔會太腍，擔擔汁就比較淡d，無乜花生味只有超輕微既辣，同有d肉碎咁，比較一般，招牌北京水餃我覺得皮太厚比較硬，內餡係韮菜加d豬肉碎，都只係一般般。豆漿跟餐既豆漿，正價1杯8蚊，唔會好甜豆味都唔算濃，係口感少少濃口，都屬普通。鎮江排骨雲吞麵同事揀既餐，我試左粒鎮江排骨好腍，用筷子都可以輕鬆夾開肉同骨，味道少少酸甜，雲吞有同樣問題皮太厚，內餡事後問返佢係乜佢答我唔記得，所以收錄唔到。牛肉餡餅上枱時少少熱，餅皮都少少厚，內餡係d牛肉碎同洋蔥，都係比較一般啦。整體黎講就都係比較一般，價錢方便就中規中矩，叫做試下老店既手
小店環境不大，但都有差唔多8-10張枱，格局都比較舊式，可見小店都有一段歷史無番新過，中午時間都有6成客人。
睇過下餐牌有午市套餐送豆漿，正價餐款式都離唔開豬排，上海粗炒之類，其中一項比較特別就係日式拉麵底，但餸菜就都係上海式，小食方面有d餡餅呀，炸春卷之類香口野。
擔擔水餃麵
先講麵係用上海拉麵，麵量都幾多下，食落算爽口，唔會太腍，擔擔汁就比較淡d，無乜花生味只有超輕微既辣，同有d肉碎咁，比較一般，招牌北京水餃我覺得皮太厚比較硬，內餡係韮菜加d豬肉碎，都只係一般般。
擔擔水餃麵
32 瀏覽
0 讚好
0 留言
豆漿
跟餐既豆漿，正價1杯8蚊，唔會好甜豆味都唔算濃，係口感少少濃口，都屬普通。
豆漿
17 瀏覽
0 讚好
0 留言
鎮江排骨雲吞麵
同事揀既餐，我試左粒鎮江排骨好腍，用筷子都可以輕鬆夾開肉同骨，味道少少酸甜，雲吞有同樣問題皮太厚，內餡事後問返佢係乜佢答我唔記得，所以收錄唔到。
鎮江排骨水雲吞麵
24 瀏覽
0 讚好
0 留言
牛肉餡餅
上枱時少少熱，餅皮都少少厚，內餡係d牛肉碎同洋蔥，都係比較一般啦。
牛肉餡餅
$15
14 瀏覽
0 讚好
0 留言
整體黎講就都係比較一般，價錢方便就中規中矩，叫做試下老店既手勢，比較對粢飯同春卷有d興趣，下次有機會再試。
張貼
