老荔冰室

營業中

休息中

星期日嘅下午，咁啱經過荔枝角，見到一間餐廳出面排左好多人，原來係一間好特別懷舊裝修嘅冰室。好奇之下入去試下，見到樣樣食物都好吸引，貪心嘅我叫咗一個全餐，可以一次過試到熱香餅豬扒等等，熱香餅好鬆軟，如果可以配埋沙爹牛同埋芝士相信會更加好味。麻麻豬扒有好少嘅辣味，就算唔食得辣嘅朋友都可以試下。好想叫埋佢嘅朱古力西多士，可惜已經好飽食唔落，唯有等下次帶埋朋友一齊去試。總結：裝修好靚，配埋八九十年代嘅廣東音樂，感覺好好，可惜地方細座位有限，各位可能要排隊等一等。