釧

營業中

休息中

釧Kushiro位於近百年歷史嘅半島酒店內，係一間主打Omakase嘅高級日式料理店，對客人嘅衣著亦有要求！是晚有幸由日藉行政總廚山口San主理，整晚用餐經驗良好，係約會嘅必然之選！炙燒過嘅北海道帶子，配上靜岡水果蕃茄，下面係沖繩水雲同埋順菜，集甜酸清爽於一身，好開胃！面層係紐西蘭嘅螯蝦刺身切粒、中層係水果蕃茄啫喱、底層係龍蝦湯奶凍，加埋Royal Crystal Caviar同埋金箔，䀆顯奢華！採用鹿兒島嘅鰻魚，以梅子醬烤至皮脆肉嫩，perfect！亦都可加少少辛口嘅黃金柚子胡椒，增添風味！來到壽司環節，赤醋飯調味及軟硬均適中！山口San嘅握功強勁，兩三下手勢就搞掂！而山口San亦喜歡以青檸輕點食材，為食材增添了一點橘子類嘅清香同埋甘甜！間八爽身而且魚油充足，口感一流！石坦貝一拍即收縮，扯到高一高，爽口鮮甜！深海池魚加咗少少烏魚子粉，增加咗咸香嘅味道！赤身嘅酸味怡人，口感柔軟，魚味香郁！炙燒煙燻鰹魚配日本寶塔花醬，以一條粟米苗作點綴！鰹魚軟身帶稻草嘅煙燻香氣，鮮味足！季初嘅秋刀魚唔算肥，魚肉反而更見彈性，唔錯！香煎過嘅法國野生多寶魚，以檸檬海苔醬帶出鮮味，再灑上紫菜粉，鮮味得到昇華！