奇香冰室 (已易手) 新餐廳

久聞勝利道有間老字號懷舊冰室，尋日終於有機會黎試一試！勝利道寵物街一行入去，離遠已經見到呢間老舊冰室。一貫老式冰室嘅作風，食物款式唔算好多。我同女朋友都唔係太肚餓，最後我地都只係要咗呢度最出名嘅蛋牛燴意粉。意粉軟硬度適中，爽口彈牙。油份亦適中，唔會好似其他餐廳時有嘅油膩感。茄汁甜酸度剛好，非常醒胃；乾濕度亦剛剛好，唔會好似湯咁，亦唔會結遢遢；另外再拮穿蛋黃撈勻，更加滋味。牛肉鮮嫩有肉味，鹹度適中，為酸甜嘅茄汁意粉味道加多少少層次，整體味道非常夾！