Marco Bistro (已結業)

平日o黎都要等位~ 果晚三個人o黎，頭盤嗌o左碗龍蝦湯同埋焗田螺薯茸餞底! 龍蝦湯比起正宗美國餐聽冇咁咸，當然味道亦相對略淡！而個焗田螺亦都唔係咁好…螺唔夠肥、餞底o既薯茸亦太咸~唔多抵食！主菜方面都ok ~ 鵝肝醬釀鴨胸好出名！不過果晚整得熟o左小小，唔夠嫩…白酒煮蜆配扁麭d 蜆唔多夠酒味，反而d 麵用香草抄得幾好食！呢餐我最滿意都係d 甜品~ tiramisu 同pyramid chocolate 都超㊣!Tiramisu 入口冰凍又有小小酒味滲出o黎~ 真係好令人回味!!! Pyramid chocolate 就成日都會賣哂，果日都係等緊位果時叫老闆留起一份先有得食咋! 件pyramid chocolate 出面係蛋糕入面係chocolate mousses ,難得係o的mousses唔會太軟;朱古力味香濃得o黎又唔太甜！總之就正啦~